事發經過:
09年7月10日大約18:40
我於葵涌道往葵芳方向行駛, 車在右第4線(右2線), 車速約70KM/H(該路段牌速70)
發生左前方第一線/左線(你地叫慢線)有一私家車(前)及一阿波羅貨車(後)相距約1秒半
私家車打右燈, cut雙白再一次過切入第4線離開, 當時我們相距約2-3秒,
而在私家車cut雙白時貨車亦跟隨其動作, 以同一線道cut雙白+連cut3線
當貨車準備進入第3線時已準備horn+break, 貨車駛到第3/4線虛線就即刻horn+急煞,
不過貨車沒有因horn作出反應, 結果貨車右面中至後方與我左邊車身發生碰撞
我人及車被撞跌去右線, 右邊身皮外傷, 差D撞埋去分隔路既混凝土,
急忙爬去右邊路肩以免被其他車撞到見當時貨車車速, 覺得佢想hit & run,
即時大叫(其實叫唔出聲)+向佢手指指, 其實當時知道沒用都要做,
貨車於我前方約100m停下,跟手拎電話想報警, 原來有位van司機已經幫我擋車,
仲落車問我有冇事駛唔駛報警, 我答要, 佢幫手報警
貨車司機+跟車來到, (應該係)司機講左幾句”係前車”, “係唔係前車”之類既野,
大既就係問係咪前車撞到我/係咪前車累炒/前車影響到貨車之類, 當時我好肯定地指住佢同佢講”係你呀”,
當時發唔出聲, 手都冇muk力唔知佢get唔get到我意思啦, 我同咩發生碰撞, 自己唔知咩,
頭七尾七返來拉人落去都要點arm相架嘛. 而家諗起個人覺得佢可能想我講錯野甩身
Van司機及貨車司機都有問我傷勢, 我答暫時知道皮外傷, 亦希望係皮外傷.其實頭盔都唔敢除,
等左約5分鐘警察+白車來到, 係救護員檢查完+幫手至肯除盔, 跟住上白車, 再來都係例行公事不詳述
不過, 個醫生唔肯寫假紙俾我真係^%#%^$@%^#
人命財物傷亡損毀:
人: 右膝+右手手臂+右肩+右後腰磨薑, 右膝最嚴重甩左忽肉約1+1cm, 釣左係度要剪走,
其他都係冇流血既傷
車: 自已睇: 頭fork, 太, 兩邊腳踏+側袋ko, 死氣喉+右邊油缸花晒,車架彎左(唔太肯定),
引擎可能有損傷; 警察想扶起車時發現側架唔見左(車行通知側架仍全組, 連鏍絲, 唔見左);
拖車回報車匙失蹤, 可能被拔走/折斷
其他: 頭盔, 落地救左我塊面+所有除車物品e.g. U鎖+車com+鏈油+威也鎖+ray ban
當時感受:
Cut埋黎前: 佢真係cut埋黎的話, 以現在車速會撞, horn+break stand by,
我有優先權
真係cut過來: horn+急煞, 要停住呀!!!!不過套break今次好似唔多夠力咁既><
被撞: 今次死啦, (唔知係咪睇錯)見到右線後來車既車頭, 死梗T_T
落地滑行: 痛! 應該受左傷, 忍住! 死伙前面石屎, 撞埋去除時冇命, 縮埋條頸等撞希望唔好傷到頸骨
滑行停止: SAFE FALL= =”, YEE, 右線!? 唔好理傷勢即刻爬去路肩唔好又被撞,
見到貨車仲唔停, 心諗你條PK想HIT & RUN大O樂啦
事後影響:
&*%!#$, 我架車ARM ARM至整完攪D咁野
我仲好唔好繼續抯26, 唔係次次都執得番條命, 已經係第3次啦
我會唔會驚左抯26?
好想去見一個女仔(唔好心邪住), 其實我唔知佢叫咩名, 佢話佢個朋友想學26喎, 想俾呢D野佢睇,
抯26既“後果”承受到嗎?
肇事原因及教訓啟示:
原因: 太大安旨意, 各位有冇補充?
啟示: 可以的話, 上車著甲, 如果著左甲的話上半身可能唔會損,
炒車時右褲袋袋住張類似8達通咁既塑膠職員證, 果個位都有落地不過只係瘀左,
仲可能只係俾袋內散紙/鎖匙扣UN到, 有冇D涼D既甲呀, 家陣既網甲仲係太熱
