駕駛車款:            ET8
車輛製造年份:          2004
意外種類:            自己炒低

事發經過:
地點: 經淺水灣回赤柱(家)途中,經過淺水灣道118A號保華大廈門外
時間: 1月11日晚上9.30 (冇雨,冇地濕)

我是行大路,在遠處已見到有架7人車在想在保華大廈出來,它當時見停定,並在等安全的情況再連過兩線向香港仔方向離開大廈

由於它是停定,我亦怕它看我不到會突然出車,我向當時有閃燈及開始"呸"佢,以提醒佢仲有車經過(起碼比佢知道有我)

它原本也乖乖的停定,我亦大安指意keep住行,當我架車到左佢門口5-10米時....

佢才突然向前駛出大概1-2尺左右,我生怕會炒在一起,我馬上急停,當時成功地避免比佢撞,但,

那brake,急停,派車.....

之後,打999,叫救傷車,阿sir到.....etc etc 指定動作.....

人命財物傷亡損毀:
牽涉:
-人 : 自己 / 7人車車主
-車 : 佢架7人車及我架ET8

當時感受:
損傷: 右腳玻羅蓋2處刷傷,其他有右腳及雙手有"留"傷
(由於昨天很cold,著左好多衫,其他地方比如落地的右手等都沒有明顯傷,仲有有帶手套,只係左手腕留親少少)

車比人傷: 右邊蛋,右腳踏,右車頭也見白(我架係黑色車,好易見),大概要HKD2000-2500才能Fix好, 好似機件就冇咩事,不過都係比人check check 好D.

事後影響:
事後影響:今天,因為右腳之問題,有d 行動不便.
另,又有花錢fix車,有d肉痛,不過人冇咩事,好好彩了.

心路歷程: 又係我,又係我,上次"ET-8被女教師撞低，超激氣"之後,1年多之後,又要出report.

仲要,又係小路出大路問題,兩次都唔係我錯,受傷的又是我.

肇事原因及教訓啟示:

次次有小路都唔可以咁大安旨意!

再discuss 誰對誰錯冇意思!

我已經唔係第一次咁比人害,點解仲唔識去學精呢? (自責中)

今次我比較會怪自己警戒性低.......當是自己錯得吧

點解人永遠都係將錯事,重複又重複去犯錯,"小心駛得萬年船",依個唔只係渣車既道理,也是做人的道理.但渣車時,我更要每一分鐘都緊記!

鐵騎快語：
一年來閣下的駕駛技術似乎沒有多大進步？上次ET-8被女教師撞低，超激氣老編打咁大段野，今次又要打字....唉。

今次閣下由頭錯到尾，除了急煞現表不合格之外，其他方面都很有問題。

先說對方車輛，除非你見到對方司機的臉和眼，確定對方已看見你，否則不應假設對方看見你。

第二點是你應該一早計劃好如果對方如有異動時，你會有何對策。視乎當時的位置，你可以選擇急停或加速逃走，而不是100%信任對方而不作任何防備。而通過小路前車時，你也應與對方保持足夠空間。

第三點是，你有否想過，如果當時你不是駕駛ET-8，表現會否好一點呢？良禽擇木而棲呀。