炒車報告

 

駕駛車款:            Joyride 200
車輛製造年份:          2008
意外種類:            自己炒低
車主:              Ada


事發經過:

當天是自入冬後首次吹強烈季侯風,所以未有過勁風下駕駛經驗。出車不久已覺風勢來勢兇兇。沿途有幾次風的突襲都總算避過,直至去到西九天橋往九龍方向剛過了往旺角的分叉路就出事。當時風勢越吹越勁,本以為快車衝過可避去強風,後發覺幾度都幾乎被吹埋牆,便立刻收油按後 break, 但不按由自可,一按即奶野,前輪發茅地左右擺動,每秒5下吧,最後當然連人帶車趺低後各自向前滑,我望住架車並跟住它後面滑,它打完轉就掂住個「石博」滑,磨出好多火花,我幾驚佢會成車著火,我就會衝往火團去,幸好最後我倆都終於滑完停下來。

人命財物傷亡損毀:
幸而我穿得夠厚,只左右邊衫袖及左腳踝擦傷、左大脾瘀了一大塊,骨冇事,頭冇事,感謝神!
又好彩當時冇乜車,唔係就天堂見喇!

當時感受:
當時滑翔時感覺時間很長,心想:停得未呀?
之後也想了很久,到今天都不太明白出事原因。
當時想有個好心人幫我托番起部車,如車冇事我就如常上班去了,但當然世上冇咁好既人啦,個個避開到你都算行運,仲停車黎問你:can I help you?
結果惟有等警察來,一等又等好耐,又搞到大塞車.....

事後影響:
從此出車前必看天氣報告,留意風勢,若吹強風都唔會出車了!

肇事原因及教訓啟示:
後來才明白,原來車走得越快,車就越輕,故若風大,應駛慢些,使車重些,就不容易飄。但有時感覺車慢(如走50-60km)還會被風突然襲來那一剎,車仍會擺一擺,都係好驚嚇的。另外,好多時若駛60-70km,會成日比車 durn 尾,又係好危險,有時甚至被46從旁爬頭(他們竟不 cut 右線再 cut 左線 去爬頭,而係在距離你2cm 都冇的旁邊過,呢d人實在好冇品!!!實在太危險了!
大風的日子也常見到d師兄們飛得好快,難道他們不怕大風?還是他們技高人膽大呢?

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!