駕駛車款:            techno150
車輛製造年份:          2006
意外種類:            自己炒低
車主:              JOJO
　

事發經過:
被一架突然cut線既貨車嚇到跌低左, 事發時我正駛向觀塘方向, 當駛至鯉魚門道與茶果嶺交界之燈位時,黃燈正準備轉紅, 而旁邊的貨車正係到猶豫緊究竟衝唔衡燈, 當部貨車決定停既時候, 後面緊貼住佢既另一部貨車收制不及. 就係呢個咁緊急既時候, 後方既貨車司機他媽的竟然選擇抽頭殺埋黎我條線到, 我嚇到即時扭軚, 跟住就連人帶車跌左係地下

人命財物傷亡損毀:
車身小拉花, 人冇事

當時感受:
部死人貨車殺埋黎既時候, 腦中閃過兩個字: 死得,  跌車之後我就傻下傻下咁係到自己執車, 我徐左剩係識執車之外, 真係乜都唔識, 正一係蠢到家零一. 執起部車之後就轉綠燈, 貨車都走埋佬.

事後影響:
好在自己路面經驗豐富, 一早睇實旁邊車輛既動向, 否則一定過唔到呢一關, 事後我嬲咁即刻去報警, 係威係勢咁話要追究到底, 結果兩日後警方打黎問我告唔告, 我過左幾日之後條氣順左, 依依哦哦左一陣又話算數唔告

肇事原因及教訓啟示:
都幾討厭自己呢種婦人之仁, 成日放生呢D馬路炸彈, 遲早害死其他人.