炒車報告

  意外種類:            自己炒低 - 提交日期 02/ Dec 2002 事故日期:  不詳            
駕駛車款:            Gilera Runner VXR 200
事故主角:           
Van
  事發經過:
  當時係晚上9點多, 於西九龍走廊向尖沙咀方向,剛經過油麻地出口, 過一個不算太急的右灣時, 發覺濺軑(地下有d ??水/油)向右邊..., 即時救車, 一拉向左邊時, 就即時派車啦...
被架電單車推左差不多成十幾米, 好彩後面冇跟車, 仲即時有位肥哥哥落車幫手截後面d車同報警, 真係唔該唔該..., 警察同醫護人員好快就到, 態度仲非常好, 係度唔該曬佢地...

人命財物傷亡損毀:

雙手雙腳多處(有8處)擦傷(手心最咁)..., 左腳拗柴...
架車左面花曬, 前fork 拗左, 要成對換過... 前後quo 左成萬蚊, 但最起碼都要整六千幾...赤赤..

當時感受:

當時個人就好清醒, 未派時就諗救車, 派低時就全力保護身體...
停低後隻腳同身體各處都好痛, 想自己起身都唔得.
即時覺得自己好好彩, 同埋自己點解咁唔小心,同**點解唔帶手套**...(平時都會帶, 果日覺有d熱就冇帶...唉...)

事後影響:

之後即時洗傷口都不是太痛, 但第二日到診所洗時, 因為過了一日多, 所以d紗布都想往d傷口(8處), 整個過程痛不欲生...., 頭兩夜亦訓唔到, 因為時常郁動d傷口. 現在過了兩星期已好了近8成了.期間家人同女朋友都非常細心照顧, 辛苦他們了...到現在都未能楂車住 ,

肇事原因及教訓啟示:

今次事件主要原因係自己楂得快時(約100上下), 又冇留意地面情況(發覺時已濺緊軑), 同埋個人遊緊雲...
經過今次, 發覺楂老電時, 發生好少的事(地面有油/沙石...) 都可以好大擭,
之後再楂都會全程打醒十二份精神...,
專注同小心最緊要
 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!

 

Copyright ©1999-2001 鐵騎網誌  www.iBike.com.hk   All Rights Reserved 版權所有   請勿轉載