鐵騎網誌 www.ibike.com.hk

	炒車報告
	意外種類: 自己炒低 - 提交日期 03 Sept 02 事故日期：不詳駕駛車款: 豪漢150 事故主角: 摩托仔
	事發經過:
	又係天雨路滑,加180度急灣重要落斜,廢柴胎加3個平面坑渠蓋事發地點係由瑪麗醫院去堅尼地城泳池,一路落斜,燈位轉左一個180度急灣,仲要係落勁斜,正常情況下應該無事.但今日撞正毛毛雨,坑渠蓋係灣心,入灣前跟本預計唔到會有3個連環痴住既坑渠蓋,毛毛雨令油污浮起,再加上用對廢柴胎.睇唔到坑渠蓋情況下入左坑渠蓋條lane,車速雖然得20-30km,由於坑渠蓋面積太大,冼胎冼到連想比油去救都照冼落去.已經立即反手呔,加落腳tum地救,可惜雙騎,後面果個唔爭氣,最後炒埋一碟
	人命及財物傷亡或損毀:
	左手肘,左波羅蓋,左膝頭,左腳眼,左肩膀,左盤骨全部磨薑,尤以左腳眼比較嚴重我個friend就左腳止公,串魚旦落部車加磨薑車就左鏡拗左
	當時感受:
	炒果一刻,時間很短,我已經盡力救車,單騎或者可以救到,可惜雙騎.當車派低時,我想用右腳撐開部車,可惜無力.停止派車後,2個人都呆左1秒,跟住我就即刻彈起身問我個friend有無事,佢叫著部車壓住我隻腳呀,拿拿聲抬起部車,扶我個friend埋一邊,再返去推返部車埋一邊,後面部綠van個司機同d乘客個個呆左,事後返轉頭勁DDD坑渠蓋
	事後影響:
	又係我90cc摩托仔,1個月都唔夠又係雨天炒一獲,而家好憎d睇唔到既坑渠蓋.我炒唔緊要,最衰係害埋我個friend.事後比個friend個女朋友同佢d friend DDD. 我女朋友就話我2句.好彩乘客今日唔係我女朋友,如果唔係我會放棄抯電單車.以後雙騎,雨天,轉灣,落斜都慢慢黎,唔想有事再發生
	肇事原因及啟示:
	雨天,坑渠蓋,落斜,轉灣要超級慢慢來車胎唔好省,星星胎係廢胎,連乾地都唔咬,都係以前用果對TT90勁鐵騎快語：哈，我知你講邊個彎。老編Dave的伯爺當年試過落雨抯架四個轆，入呢個彎時就甩尾掉左頭，小心小心。
	你有炒車經驗嗎？把它整理一下告訴大家讓騎士有所警惕，一起提高駕駛安全吧！