炒車報告

 
意外種類:           
車輛碰撞 - 提交日期 08 Aug 02  事故日期:不詳 
駕駛車款:            96 Kawasaki ZXR250
事故主角:            奶哥
  事發經過:
 

兩線單程路, 前面紅燈.
起左邊備車處同慢線中間聶上去
點知有度的士門突然打開, 人車分離.

  人命及財物傷亡或損毀:
  車速慢, 只係拋左我出車
車身花了小小, 冇大礙
的士佬見我咁痛苦都冇上前,
就咁走左去. 乘客就係咁say sorry
 
  當時感受:
  隻手好鬼痛, 比度車門夾到魚晒
有冇搞錯, 你條xx點渣車嫁
停正路中心落客, 又唔打燈
  事後影響:
  今次炒一炒都冇乜影響,
 岩岩收工同同事一人一部電單車去食消夜
抖左陣就去左食

 

  肇事原因及啟示:
  其實平時聶車時都好小心, 會留意隔離線有冇其他電單車(塞車時)
但真係估唔到的士佬會係路中心落客
車那應該唔會唔聶, 只要係小心d啦~_~

鐵騎快語:

我地覺得,的士司機,乘客和你,三方面都有責任。但以你的責任最小。因為冇人會估到有車會係路中心開門落客。的士司機應該在乘客落車時提醒乘客留意交通情況,而乘客的責任最大,落車冇理由唔睇路就開門落車。你都算唔好彩。

 

 
交警睡寶寶回應:

我都處理過呢D畸屎,無錯係個乘客唔岩。但係都可以避免的咁係時候等我教你一D個人既道理喇!(嘩..亞蛇,你好長氣呀,快D入正題啦)
首先一睇,已經知道亞奶哥所行既位置,就係道路使用者守則堜畛翱J--路肩呢個地方既設計係for壞車避車之用,當然好多老電司機都用呢個地方嚟攝上前面(包括小弟都係)而呢個位置其實真係有好多陷阱
1)滿佈沙石
2)有釘你一定睇唔到
3)有水(乙水)
4)有水渠蓋
5)有垃圾
6)果個位置通常都會比路面凹左落去少少
7)路中石壆不規則而引至有石壆凸咗出嚟
8)有時會有錐形臨時路標(俗稱雪糕筒)
9)有路牌
10)有袋鼠(即係行人突然跳出)
所以呢個位置真係好危險,但係呢個位置又真係好好用好嘞又講返呢單畸屎都係可以避免的,因為我自己都試過好幾次(包括自己係老電司機和的士乘客)
首先講返老電司機先啦。咁當你攝到去D的士後面時,你可以睇到車箱中既乘客究竟佢係坐得好大爺到係扒咗個身上前面呢?大爺就即係佢唔會落車啦,扒個身上前面好大機會係找贖緊,咁你就要睇清楚喇
另外如果你一去到佢就即刻打開車門,咁你都無得話人,因為你自己都唔岩在先--扒頭。雖則呢個畸屎我都係會話個乘客唔岩,佢落車都唔睇下自己安唔安全就衝落車,好彩既係佢遇到果個係你,如果佢遇到既係一部私家車(已經唔講大車)咁佢一定唔死一身散。
而的士司機方面,正如老編所講,佢都係一個好重要既關鍵,佢都要在安全情況之下先可以讓乘客落車,到時如果真係被其他車撞爛佢隻車門
佢都要負好大責任(當然要睇撞佢果個點講啦)
呢單野可以有三個判決
1)的士司機--在未有顧及乘客的安全讓乘客下車(可以告不小心駕駛或危險駕駛)
2)乘客--乘客在未有安全情況下開啟車門(都係告得)

3)電單車司機--扒頭(不小心駕駛)
如果講錯多多賜教
如有得罪請多包涵
唔係話各位渣車唔岩,點解我咁長氣?我都係想大家唔好發生意外,咁我就老鳳做少D

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!

 

Copyright ©1999-2001 鐵騎網誌  www.iBike.com.hk   All Rights Reserved 版權所有   請勿轉載