鐵騎網誌 www.ibike.com.hk

	炒車報告
	意外種類: 自己炒低 - 提交日期 10 Aug 02 事故日期：不詳駕駛車款: Bandit 400V 事故主角: Michael Ku
	事發經過:
	剛剛出大老山隧道往沙田方向, 越落越大雨, 但冇著雨褸. 經過橋低, 諗住避下雨先. 但天雨路滑, 剎車過重, 咁就訓低左, 仲炒跌了支雪糕筒.....(事後先知原來已經黃雨了)
	人命及財物傷亡或損毀:
	車身小花, 尾迫力腳踏斷左, 指揮燈同轉數錶都爆左... 手同腳都察損了, 牛仔褲穿了個大窿....
	當時感受:
	幾架警車經過都冇理會..當時趕時間返工, 出盡九牛二虎之力才能扶起架車. 但撻極車都唔著, 成身又濕晒, 非常狼狽...跟住CALL了自己公司的吊雞車, 成部車吊走.......
	事後影響:
	事後都是金錢損失, 好在自己公司吊雞車唔洗錢, 但整番架車用了六佰幾蚊... 腳踏只是燒了焊,,早知自己燒.....車身花左好心痛...........落雨楂車, 一切都要小心.....
	肇事原因及啟示:
	落雨楂車, 制動能力一定唔可以和好天時相比. 楂車前要留意天氣, 著定雨褸, 必要時, 改搭公共交通......後來先知,, 原來跌車後, 扶正架車, 都會好難撻番著架車, 可能是火咀濕了, 要將架車擺一陣, 再試下撻車, 但唔好俾油住, 不能心急, 小心會冇電..... 鐵騎快語：嘩！跌一次車你都學左好多o野播！Good！
	你有炒車經驗嗎？把它整理一下告訴大家讓騎士有所警惕，一起提高駕駛安全吧！