鐵騎網誌 www.ibike.com.hk

	炒車報告
	意外種類: 車輛碰撞 - 提交日期 11 Aug 02 事故日期：2000年DEC 12 駕駛車款: Kawasaki EL400 事故主角: MAK CAT CAT
	事發經過:
	12-12-2000年,18:15pm,黃昏微雨,本人於加士居道中線向廟街方向,約40km著大燈行車,乘客是太太；忽然有私家車從志和街衝出,心知不妙下意識剎掣及ABS式扣前後brake,但因路面滑及五,六米距離；砰！短暫失憶,清醒後見電單車橫臥快線上,太太側跌坐於中線上,私家車則停於中線前方。
	人命及財物傷亡或損毀:
	自己左邊身撞傷右頸拉傷,乘客左邊撞傷左肘骨裂愛駒左旁邊車架變型engine housing broken,好彩左腳冇事最後報價電單車玩完,醫返徙藥費
	當時感受:
	有冇攪錯,當黑！太太本來出去看眼科,現在又令她受傷；因乘客安全憑司机反應是否正確,現感到十分內咎；反而自已當時全不感覺痛-24小時後才痛出來。
	事後影響:
	意外後半年冇開車,其間應付各樣問題,燕梳追討、醫療跟進、法律問題、家人心理壓力,一吓指全學會了,前前後後困擾年多。好在太太完全康復,而我間中還有些頸痛未斷尾
	肇事原因及啟示:
	意外-意料之外；危險意識勁升,但亦不可杞人憂天,除非唔做人就最安金！小心年青人開車，危險及安全意識低,以為一車在手-兩輪或四輪-冼拿、保魯斯都唔係佢對手呀！鐵騎快語：自己一個炒車都重可以「暗啞底」哽左佢，但係傷及太座，則會受到男女兩家的夾擊，加埋太座的抱怨，苦呀~~~~
	你有炒車經驗嗎？把它整理一下告訴大家讓騎士有所警惕，一起提高駕駛安全吧！