鐵騎網誌 www.ibike.com.hk

	炒車報告
	意外種類: 停車場自己炒低 - 提交日期11/June 2001 事故日期「幾日前」駕駛車款: 96 Honda Freeway CH250 事故主角: jet28
	事發經過:
	前幾日己經喺落緊雨，我返工如常洗入某工廠大廈停車場，一入即轉右上斜，速度肯定唔會快，但不知為什麼，感覺前輪左右擺動數下即派低咗，連人帶車滑前咗約10呎。
	人命及財物傷亡或損毀:
	滑前時見到自已腳掌部份給尾沙板壓著一齊施行，幸好我也是穩陣派，駕電單車除了必定帶手套外還盡量穿行山鞋，除鞋磨花及車身一邊沙板花了外，小腿只是撞瘀了少許。
	當時感受:
	一片空白
	事後影響:
	事後立即扶翻架車，停車場管理員來到我已開翻車離開，當時見人車都"旭"得，只想快快返回自己車位再算。因趕時間開工，事隔一整天到下班才檢查座駕及去翻出事位置查看，但又發覺唔到有什麽問題，但心裏就有一定陰影，想如果高速咪大鑊。
	肇事原因及啟示:
	真喺一頭霧水，我一向駕電單車都很緊慎，除注意其他駕車者外，也顧及路人，𣎴開快車(未試過過100)。心仍然不明在想，如果喺地滑理應第一時間偏一邊"派片"，怎會頭輪左右擺動幾吓(當時直情喺好似脫咗疆的馬控制唔到)才翻車，心理上歸究可能是自己的車有問題，事隔幾日到今天也不敢渣翻駕車，現在還想乾翠買過部。鐵騎快語：有冇檢查過條頭胎氣壓是否正常？如果係正常的話，估計應係地滑 + 鎖頭轆 + 救車失敗所致。一般轉右灣，鎖死頭轆炒低時，架車拍低o左前轆係會擰盡左軑。但你正在上斜，頭輪負重較少，加上地滑，在彎中落迫力較易鎖胎。你的反射神經介入，嘗試在把手上來回推拉想奪回操控，所以車轆左搖右擺。通常彎中鎖頭轆都好難救。下次一鎖轆馬上放迫力，成功機會大D。
	你有炒車經驗嗎？把它整理一下告訴大家讓騎士有所警惕，一起提高駕駛安全吧！