炒車報告
　
意外種類:            自己炒低 - 提交日18/Dec 01 事故日不詳                           
駕駛車款:            街車
事故主角:            假日車手

前車派低 勁收之下一齊派！
　 事發經過:
　


當日毛毛細雨, 四車同遊, 本人排第三, 路經呈翔道上大埔道橋灣位, 車速約 50kn/h , 路面有油, 加上細雨, 前車(朋友車)突然打滑派車, 而本人恐防撞到朋友, 亦立刻落brake, 誰知亦即時打滑, 雙雙失控向左邊路肩滑去, 幸好沒有撞到朋友 . 本人頭撞路肩停下, 黑了一黑, 勁暈, 起身後有嘔吐, 由於無帶手套, 血染雙掌. 頭盔勁花, 面罩亦飛到老遠. 而本人愛車, 頭燈, 指揮燈, 倒後鏡, 前沙板, 錶板, 手把, 牛角全部毁爛, 油缸花左. 朋友車損毀更加嚴重. 十分心痛~!
　 人命及財物傷亡或損毀:
　
由於本人撞到頭, 於是叫拖車順路送入醫院照頭觀察, 留院一天, 事後好彩頭無事, 只係一邊膝頭縫了兩針, 雙掌包滿崩帶, 叮噹一樣~! 休息兩星期多~!!! 而我朋友竟絲毫無損, 龍精虎猛~! ( 心有不甘.... >_< )
　 當時感受:
　
當時抄車一刻一片空白, 撞頭時黑了一黑, 醒後先至識驚, (怕撞頭有事), 非常暈, 幸好有朋友陪同, 心才定下來, 否則一定仲驚!
　 事後影響:
　
事後, 曾搭的士覆診, 的士大佬在毛毛雨中仍以 120km/h 行走, 坐車後座的我, 都嚇到摽尿, 勁驚~! 好大陰影~
　 肇事原因及啟示:
　
以後落雨一定唔會開車~! 做乘客搭公共汽車~!  做真正的晴天假日車手.
最好配帶有面罩頭盔同手套~!
真係希望多 d 人打抄車報告, 大家亦多留意別人經驗, 提高警覺!
　


鐵騎快語：
你撞到頭以至嘔吐，真係俾你嚇死，好彩冇撞親個腦。你講得好o岩，開車一定要戴手套，手套可以換，但自己對手掌有事就好唔方便，沖涼洗頭都唔得。

記得以前有外國雜誌做過一個自我技術評估的問答題，其中一題便是問如果前車在彎中派低，你會點做：收油？剎車？避佢？正確答案係乜都唔使做，照去可也。因為離心力會把派低的前車和騎士推向彎外，根本唔會阻住你。看來他們說得有道理。

　
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！