鐵騎網誌 www.ibike.com.hk

	炒車報告
	燈前停車俾人隊到飛起！
	意外種類: 車輛碰撞 - 提交日期 22/ Oct 2001 事故日期: 同日駕駛車款: Honda CBR 250RR 事故主角: 亞森
	事發經過:
	日期係22/10號朝早8點幾, 當時自己於太子道西同唐尾道交界停緊燈位, 前面得一部的士, 所以就廢事攝車上去啦. 之後突然部車就好似死火禁向前標, 第一個感覺就係以為死火,但係又無咩埋由呀. o拿住個極力子都死火? 之後好快就覺得唔對路. 之後個人就飛向的士車尾啦, 原來係比部萬事得撞車尾!!
	人命及財物傷亡或損毀:
	自己就應該無咩事. 部車亦無咩表面傷痕, 淨係個車牌裂開三塊
	當時感受:
	撞完之後自己飛開左, 淨係感覺到個肚同"寶貝"好鬼痛, 訓左響地起唔到身, 而亦感覺到人情冷暖, 前面個的士佬就只係落車望望自己部車, X兩句再叫個私家車司機賠錢, 但係當個的士佬見到個司家車司機充滿江湖味道之後, 就禁走左去, 完全無埋過訓響佢車尾既我. 唉.而個私家車司機, 一個手臂有條龍既型人, 就走黎扶起我, 而個腦就一片空白, 起身就第一時間望錶, 驚遲到. 再望部車, 無咩事. 個私家車司機亦直認自己係飲左酒, 再求其賠左兩舊水就走左. 咩車牌身分證都無炒底. 諗起都覺得自己笨.
	事後影響:
	最大o既影響就係唔知自己部車有冇咩暗病, 要整都無得追討賠償. 笨！!
	肇事原因及啟示:
	唔好懶. 停燈位死都要攝上去, 唔係為左貪快打尖, 係為左自己條命仔, 因為世上太多呢D屎忽鬼, 而如果不幸有意外, 亦記住要炒底對方車牌及身分證, 即時賠錢反而係其次. 鐵騎快語：撞你個條友都算賤格，一清早就飲到啤啤俘梗係剛剛散完早場啦，撞到你飛起先賠得個兩舊水？各位車友如以後不幸遇上，幾大都要記低對方資料報警，切勿輕易放過呢「亭」衰人。講番你架車，如果只係輕輕kiss一下的話，應該冇乜事o既。不過為安心起見，除左check自己傷勢外，也應check下尾輪啤鈴和尾擔是否仍然正型。
	你有炒車經驗嗎？把它整理一下告訴大家讓騎士有所警惕，一起提高駕駛安全吧！