|
炒車報告 |
|
意外種類: 車輛碰撞 - 提交日27/Apr 02 事故日不詳 駕駛車款: 綿羊仔125 事故主角: 亞威 |
|
| 事發經過: | |
|
當日天朗氣清~心情大好~早一晚賭馬收小小~早上係公司玩十三張又有得收~非常開心~!!當其時身上有d錢咁咪諗住去找card數囉~收工後路經官塘~咁咪諗住係官塘道加德士油站左轉入官塘囉~但諗下諗下~個頭唔係好熟路~不如返將軍澳先啦~因為將軍澳都有得找~!!咁咪直去囉~點知呢個時候x街啦~架的士就係我兩三米前~當時車速大概60-70km左右~根本dup唔到~又唔敢cup過隔離唔知後面有冇車~咁咪焗dup死佢囉~點知都係唔得~咁係個一秒就決定片左~因為直去死硬~但一片就已經撞左落部的士度~!!唉~平生第一次炒車就咁燒焦啦真係~!! |
|
| 人命及財物傷亡或損毀: | |
|
人就冇事呀~我架心愛o既綿羊小子個頭爆晒~沙板又爆埋~!!架的士個尾就(粒)左的的~個(boom
把)鬆左小小~尾箱內龍凸起左小小(個的士佬話o既，但我唔係好覺)~話要賠一千~當時成個人彈起~!!成差野~!?唔x洗下華~!?佢話係呀~!!最低消費~咁我話不如我比你抄低身份證同埋電話~咁你整好比張單我囉~佢話唔得~驚我走x左去~!!因為某些小原因我又唔想佈警~而且又係自己衰~咁冇計啦~個心0喊住咁比左佢~!之後就走左啦~!!之後整返又要一差野~找唔到card數不特止~仲要碌一差~!!唉~!! |
|
| 當時感受: | |
| 當時感受就係返到屋企可以上ibike~填炒車報告啦~!!唔知填得好會唔會有獎品呢~!?哈哈~因為我都唔係好想填第二次~所以希望有d紀念品~哈哈哈哈~!! |
|
| 事後影響: | |
| 心靈受到極大打擊~唔係好敢渣得快~驚驚地~!! 第二朝渣車好驚~結果稍一不僅即時線呔~片左過隔離線~!!好彩巴士大佬收得及時~唔係我死硬~今日可能未必打到呢個報告~!!結果過兩日收拾心情~再渣~係同一個地方撞返個巴士大佬~佢開左個上車門叫我:你係唔係上次o個個呀~!?我話:係呀~唔好意思呀~上之線呔呀~!!佢好語重心長咁話:下之小心呀~嚇死我呀~!!之後我(沙)個Lum就走左啦~!!巴士大佬好好人~個的士佬就...... |
|
| 肇事原因及啟示: | |
| 做乜諗野~唔好諗野~專心渣車~唔好咁快~又唔好咁慢(因為阻住人)~適當車速~行車距離~人定勝天~盡力上演~有福同尋~有禍唔好fun~!! |
|
|
|
|
|
你有炒車經驗嗎？ |
