鐵騎網誌 www.ibike.com.hk

炒車報告
讀者回應：2

意外種類:            車輛碰撞 - 提交日期27 Nov 2001 事故日期：不詳
駕駛車款:            99 Honda Hornet 600
事故主角:            smw

事發經過:

某一天當時我正在行經大埔道出九龍方向近蜆x油站附近
而一部私家車正在入新界方向,在塞跟車之制下突然越線掉頭
結果唔冼講(中哂)啦咁就飛過車頂之後先至落地,之後就做咩事都唔知道
因為己經半昏迷,醒返時已經訓跟張床先知道死唔去仲固就咁就玩完

人命及財物傷亡或損毀:

結果手腳冇事不過盆骨就裂左。個頭好鬼暈,訓左成二個禮拜醫院先至出院
出院時仲重要係扶住兩技機關槍走，真係算唔好彩之中既好彩啦
個人又傷格車仲重傷仲以為頭擔彎哂水箱凹哂都係小事
點知check真D龍骨都彎埋咁就知道不妙啦都唔知點整好
只知格車整又死唔整又死結果聽朋友講報total lost好過
結果都係要等…..唔知等到幾時先有得賠

當時感受:

(飛過車頂之後先至落地,之後就做咩事都唔知道)

事後影響:

現階段只收到警方發出的「擬控告通知書」控告私家車司機不小心駕駛
咁又點姐,唔發生都發生咗告到固然係理想當然告唔到真係冇野講啦
只知現在得個(等)字告到個司机咪賠錢和扣分又唔冼死,有咩用呀,最緊要現在保番條命仔都算好好啦。只知渣得電單車都唔驚得咁多架啦,就算你手車有幾好都唔能夠保証百份百冇意外發生架,係咪..

肇事原因及啟示:

總知不論你快定慢，意外既野都好難遇料到，唯有順其自然啦…

鐵騎快語：
閣下不幸遇上交通意外，且傷勢不輕，我們衷心希望閣下能早日康服。最近政府在電視賣的新一輯安全駕駛廣告講得幾好，大意如下：無論邊個對與錯，我都唔會俾意外發生。包含的意思是，除了本身遵守交通法例外，更要預計其他人不遵守交通法例，及早作出防備。防衛駕駛的主旨，便是不信任其他道路使用者。只有抱著懷疑和警惕的思想準備，我們才能有信心騎電單車出街。

讀者
回應1
28/Nov/01

駕駛車款:            Honda Hornet 大黃峰 600
製造年份:            1997
意外種類:            車輛碰撞
車主:                   小新

事發經過: 灣仔內告士打道，又係Ｄ賤種的士佬，一見有客燈都唔打就抽左急停，我好彩有人手ＡＢＳ，僅僅收停，但人算不如天算，後邊另一賤種的士佬收唔到，我始終都要親吻大地，的士佬，我知你地賤，但都唔好賤咁盡啦，人命關天呀。

人命財物傷亡損毀:手腳擦損，架車就斷牛角，最慘花左油缸。

當時感受:執番身彩，但好谷氣，做乜要累我？！

事後影響:電單車我覺得好安全，但條件係香港Ｄ的士佬做番人類先！

肇事原因及教訓啟示:以後見親Ｄ商業車（的士、小巴、VEN仔）即刻打醒十二分精神，直情當鬥ＧＰ咁先得！

讀者
回應2
28/Nov/01

駕駛車款:            CBR250
製造年份:            1987
意外種類:            車輛碰撞
車主:                    朗

事發經過:我一樣試過和smw的情況,不過係撞的士,當時我落斜,對頭的士無打燈右轉,我載人加上落斜,dup到尾轆已經離地,跟住撞的士前右沙板(多一米便可停車),打側跌車

人命財物傷亡損毀:無人受傷,的士凹沙板,我無左隻右.............牛角

當時感受:點渣車架你！？好想打X佢,但無咁做。

事後影響:簡直超黑仔,我哥一年前在同一地點同一時間(夜睌)載人撞到一樣係的士,不過佢要入廠幾日事後不告佢和解收左佢2500大元(嘻嘻嘻......有賺)

肇事原因及教訓啟示:以後你們一定要小心對頭盲毛

鐵騎快語：小心！小心！喃嘸啊呢陀....

你有炒車經驗嗎？
把它整理一下告訴大家
讓騎士有所警惕，一起提高駕駛安全吧！