炒車報告

 

垃圾哨水真係好鬼扇!

 
意外種類:           
自己炒低 - 提交日期 30/ Oct 2001 事故日期: 今年七月中 
駕駛車款:            94 Honda Bros 650
事故主角:           
占士(乘客)、司機係我哥哥(阿席)
  事發經過:
 
今年七月中,零晨二時左右,""界限街""近""基堤道""口。當時有三條線,我地開線行駛。當晚左轉彎時,行得太約只得20km/h,因路太彎,大約成90度,而地上有垃圾車剩下的""哨水""。車輛急速滑落。
  人命及財物傷亡或損毀:
 
兩人各分別左腳重創,而只係左邊車身輕微損毀,但沒有撞倒途人及公物。
  當時感受:
 
我只記得我好痛,哥哥仲問我""有冇事"",我好感動佢仲有問候我,關心我。
但救護員都好熱心,仲安慰我o之後幾日我自己去洗傷口果陣,將軍澳健康院遇倒一個女護士,又後生又思文,重好好人添~~~ (編按:喂,你講左去邊呀~~整親隻腳都咁樣,如果拉親大脾內側條筋...咁咪發達?)
  事後影響:
 
之後先知道我哥哥左腳只倒""骨"",我都好佩服佢抄車後仲問候我o
只係一星期,車手獎我都有八千幾蚊~~~我都覺得ok

  肇事原因及啟示:
 
平時抄車,我都可以及時跳車o但今次太快,想跳o既時候已經落晒地,所以各位車手唔好輕視""哨水""!!真係好利害~~最重要,車手係我哥哥,我只係乘客。

鐵騎快語:

所以在馬路上行車,入彎的傾斜角度不宜太過激烈。以開盡條胎為目標的入彎方法,當習慣成自然後,遇上油漬或哨水時便好易會領野。以前在雜誌社識得有位仁兄騎AN150,就係咁樣炒車,左手鋼錶帶扣翻開嵌入皮膚內,割開皮膚搞到成條「L」型疤痕在前臂內側上。男仔重話咁叫Man,女仔整成咁就唔抵啦。

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!

 

Copyright ©1999-2001 鐵騎網誌  www.iBike.com.hk   All Rights Reserved 版權所有   請勿轉載