炒車報告

 
意外種類:           
車輛碰撞 - 提交日期05/ Aug 2001 事故日期不詳            
駕駛車款:            Yamaha FZR250
事故主角:            GALEN
  事發經過:
 


大車細路出大路,冇睇路面情況,而我架細車剛好路過,差少少比佢抄起.我架FZR250成架派啤牌咁樣打橫飛出!

好在我臨危不亂,頭迫力拿一半即放,後迫力踩一下即收,連續做兩三次,迫直架車,連除追上去個短命種度,追到上去一手拍佢車頭迫停佢,佢個短命種係入面唔敢落車,躲在車裡面嘆冷氣望住我,我火都滾埋,擾攘幾分鐘白炸先到達現場....

  人命及財物傷亡或損毀:
 
個短命種冇事 (因為白炸到場)如果唔係一定有事....
我冇事,我女友都冇事.
  當時感受:
 
一片空白,諗唔到野!!全憑自己反應..... 
  事後影響:
 
我女友成日唔比我騎電單車.....
  肇事原因及啟示:
 
臨危不亂.....

 

鐵騎快語:
老兄你手車都好掂,雙騎之下被撞,都仍能使出「人肉ABS」成功救車,再追上去拍停呀「家鈴」部車,真係唔係人人都得。就算有人得都唔係次次得...。所以道路優先權唔係「老馮」,俾呢類「X街」撞到,佢只會講佢:「Oh, sorry...我睇你唔到。(真正意思係:你開得咁太快,我點知你咁快到jet?),冇事丫嘛?」

呢個世界就係有咁多不知所謂o既人,算啦,自己小心D。唔好咁衝動話要打人,咁樣最後蝕底o既咪又係自己?

 

 

你有炒車經驗嗎? 
把它整理一下告訴大家
讓騎士有所警惕,一起提高駕駛安全吧!

 

Copyright ©1999-2001 鐵騎網誌  www.iBike.com.hk   All Rights Reserved 版權所有   請勿轉載