鐵騎網誌 www.ibike.com.hk

	炒車報告
	意外種類: 自己炒低 - 提交日期07/ Nov 2001 事故日期: 03 Nov 01 7:45pm 駕駛車款: Honda CB400SF 事故主角: e49
	事發經過:
	比BENZ追！ 3/11/2001 19:45係快速公路(官塘繞道)比BENZ追﹐我慢佢吊住我﹐我快佢追住我。整個過程我地之間相隔無車位可言。去到隧道收費廣場(將軍澳隧道)﹐佢有AUTOTOLL都唔用﹐跟我比散紙﹐然後極快上黎“hi”0左我一野﹐好在救返。之後我趁隧道甩拒﹐我cut雙白線﹐條友照cut,然後0係我後面“DUP”到響呔﹐我見噤0既情況唔多掂即時諗走鬼﹐就0係一架雙層巴士同大發仔中間過左﹐佢最後追唔到。點知最後我出到路口﹐怕佢再追到上黎隊我﹐分左心望後鏡﹐DUP唔切﹐差D撞的士。於是即刻放把手由架車溜走﹐當時50多KM/H﹐個人就跌落車向前滑﹐差D攝入前面的士尾車底﹐好在及時用手拍住車尾無事。(個的士佬仲以為我架車撞到拒添)
	人命及財物傷亡或損毀:
	人﹕左邊身手腳撞傷 (好彩﹗) 車﹕錶版爆左﹐油缸花&凹左﹐尾fairing花左﹐呔干摺左﹐指揮燈爆&斷左﹐頭燈都爆埋。(整差唔多五千蚊)
	當時感受:
	跌落地之後向前滑時不由自主地高呼﹐炒車後異常有力扶直架車﹐好在仲渣得﹐渣返左屋企先算。之後返都屋企成晚都神情彷佛﹐唔知點好。
	事後影響:
	個人幾日後就無痛喇﹐係肉痛D(整車費)﹐家人叫我渣私家車(傻0既)﹐未知有咩形響因為仲整緊車。最大得益係知道車手獎係好好0既一樣0野﹐但係最後怕麻煩無搞到。
	肇事原因及啟示:
	經驗淺﹐下次比人"hi"到﹐又知佢係擺明玩野0既即停落車報警﹗ 　鐵騎快語：有關車手獎的問題，以前有車友在新聞組講過。節錄如下：~~~~~~~~~~~~~~~~~~~~~~~~~~~~~~~~~~~~~~~~~~~~~~~~ claim車手獎要keep假紙要落左口供先wor...bcos落左口供先有file no. ma~~~~ 之後就等call上社署見官... 上去記得帶假紙& ID card ar~~~~ 到時福利官會拎你d假紙去photocopy...bcos留番正本俾你去claim自己保險~~~~ 1)最盡Claim半年假（96年） 2)最大限額＄８萬幾（96年） 3)返工每日Claim少Ｄ（96年） 4)頭果十日多Ｄ錢（96年） 5)1/2←達者為先（96年）如果你在這次交通意外得到其他賠償費（私人保險除外）可能要將所Claim車手掌龜還褔利處！總之開頭10日at lest有500幾一日, 之後就at least 200幾一日... 你有工做, 佢會要你拎1張form俾你僱主填...內容係有關你o既工作、人工等等... ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 聽完閣下呢個咁驚心動魄o既經歷，真係心都跳埋出來咁滯。當然Benz佬妄顧人命，拉到直頭要打靶。但究竟你先前做過D乜，撻著o左個benz佬要死追你呢？遇到這種情況，穩陣派便會用低波保持正常速度行駛，甚至越開越慢來增加與前車的距離。當然唔排除後邊o個個係傻o既照隊埋來。所以用低波行車，保持扭力以便隨時發圍逃走。衝動派會開油走，正式展開「街頭遭遇戰」的序幕。有信心放甩人，當然冇問題。但如果低估對手或高估自己，俾人勾著走就麻煩。街頭巷戰幾時都係在後啄人o個個好玩D。在Highway上勝負視乎雙方車種而定，400cc遇著高性能跑車只有待宰一途。在彎路上則絕對考驗雙方技術。遇著長落斜的彎彎凹凸山路，老電的機動優勢不在，相反四輪咬地的房車唔怕甩，騎士是真正考驗其彎路技術的時候。講咁多廢話，都係希望各位新車友，明白二輪四輪的長短處，知己知彼，不要隨意點著火頭。
	你有炒車經驗嗎？把它整理一下告訴大家讓騎士有所警惕，一起提高駕駛安全吧！