|
||
|
歡迎來到重新規劃的【鐵騎信箱】，我們請來資深大偈老鬼先生繼續為各位服務，盡量解答有關機車維修的問題。 |
||
 |
||
All iBike relevant issue please contact us at :
|
老鬼因事忙暫時唔得閒覆信住，請各位耐心等待！另外來信請盡量環繞機械故障為題，因為老鬼係整車師傅，問佢第二D野佢會唔知點答你好，敬請留意…謝謝！ |
||
31 Oct 03 |
避震問題.
老鬼先生：我係駕250日本羊，新車落地至今巳1年半。請問應何時更換尾避震？因車行在check車時，話我對尾避震過軟，並將避震度數調較至最硬。雖然如此，但我感覺在行車時，一o的都唔硬或'dun'，是否意味需要換，如是，有乜好介紹？我係新手，乜都唔識。感激及祝貴網一曰攪得好過一曰。
偉仔上 p.s.請不要show E 貓.
你架車是否日日雙騎,或當貨車咁用,如果唔係無理由咁快打柴!避震並不是定期更換的,只是漏油,彈弓過軟,樣衰,或想要駕駛舒服或有錢時換,市面上有好多牌子,一分錢一分貨.由千幾元起,如你發覺佢較到最硬你都沒有感覺,不如你叫佢較到最軟,等自己試清楚d先才決定. |
|
31 Oct 03 |
差一點就跣底 - 真係好罕有的意外,教人防不勝防 在獅子山隧道出九龍方向收費亭(不切找續,AUTOPASS隔離個一條線)....晚上11:30分左右,經獅子山隧道載着女友回家,照平常一樣排隊比錢,輪到我喇,你地古下發生乜事....就係在收費亭阿嬸前面表演"一字馬"...真係要命,我女友都差點赫Q死...點解會這樣??...就係收費亭停車落腳位置有一大笪偈油在地上...問你死未!? 架CB400加埋我同我女友足足有六百幾磅重,好彩我夠大力...如果唔係...哈..哈..兩人一車齊齊變趴地熊呀,重要趴落笪偈油上面,到時真係唔知點算,人又黑曬,車又花曬,在那一剎那想到這個問題...我為有使出我的平生絕技"PROWER"...我頂...!!無任何人命及財物損失,得個驚字...不過大啤罅就好Q痛...>_<...!! 這件事絕對係一次寶貴經驗,以係無論在那兒,收費亭..燈口..停車線及讓線..平時路面等,如果要停車落腳的話,都要清楚留意落腳點有沒有異物.....在此事件中我好多謝我自己(我自己都唔信我居然錦大力)....同多謝CAT的鞋,如果係普通波鞋...我想我已經暈了...o 各位靚仔靚女同Ｐ仔Ｐ女,真係要眼觀百方...小心...小心!! 蘿記 |
|
30 Oct 03 |
關於排氣喉的問題
未答你的問題前，先講下廢話先。排氣喉的主要作用是引導燃燒室內的死氣排放，和利用氣流的慣性動力引鮮風進入燃燒室。但在現實生活中，我們還要顧及噪音和廢氣問題，所以原廠喉尾部設有最高水準的滅聲和催化設備。相反aftermarket的kit喉為了回復引擎原本的性能，在滅聲和催化的作用都不及原廠喉，排氣的阻力和回壓都較原廠喉低，有利引擎在高轉時呼吸更暢順，搾取馬力。
所以你問點解要換喉，答案係因人而異。在道路上使用的車，換喉的最大作用是裝飾，和釋放排氣聲來增加存在感。始終高轉行車的時間不多。但在賽道上必需要換喉，因為要減低排氣壓力，讓轉數上升速度更快，增加馬力的數值和提早最大馬力出現的時間。
但更改了排氣回壓，需要調較點火時間，閥門開關時間和供油量，才能發揮到最大效果。如果調較不當，未完全燃燒的油氣會提早排出而令扭力流失，也增加耗油量(running
rich)。又或者沒有追加供油量，在高轉時轉數不能再上，排氣溫度也過高(running lean)，容易燒毀死氣閥門。
以最嚴謹的角度來看，改車永遠都係「牽一髮動全身」。改喉因為更改了排氣阻力，連帶進氣壓，供油量，閥門開啟時間和點火時間都需要重新調較。輕則效能未能發揮到最好，重則越改越衰，甚至損壞機器。
在馬路上用車，如果唔注重性能，只係想放番把聲出來，則求其換乜喉都冇所謂。如果要性能，則需要嚴選品牌。揀一D大牌子，佢地旗下會出一D專俾某款車使用的kit喉，咁樣會較有保障。 |
|
|
29 Oct 03 |
R6...有問題想問下
你好呀老鬼先生...我剛買左架R6...有問題想問下,我行行下車，突然著左轉數邊旁的紅燈...同埋錶版上有個油壺
(好似紅燈旁的油壺)標誌...一陣又冇左...唔知咩原因呢?
Bo boboyy@hutchcity.com 係偈油同水溫燈,是否個轉勁塞車,攪到水溫高,不過為安全起見,你都要check多次水同偈油,再睇下風扇會否自動開關! |
|
|
29 Oct 03 |
車頭好振
你好!我部車是SH150，每次起步時車頭都好振，要一個車位先冇事，連起步都慢過以前，請問究竟是什麼事？要不要去整？
Keith keithlinda@mail.hongkong.com check下起動珠,皮帶,極力子部份先.. |
|
|
29 Oct 03 |
車輪有鐵銹
我的車輪有鐵銹，可有什麼便宜，但有效的方法去掉這些銹跡？wd40?Thanks! QM p.s. Don't show my email pls! wd40加 (0號)網絲棉,五金舖有售. |
|
|
29 Oct 03 |
你好！本人最近駕駛電單車時，發生過在道路上，有其他司機駕車中途睡著,當時我打算嚮按叫醒他，但我又擔心他醒後特後加速或扭太而被撞到。最後只是扒頭了事，請問如果你遇到相同程形怎樣做？
Irene Ng" <sioi_ng@yahoo.com.hk
香港道路環境變化咁大，司機好難會因為悶而入睡。通常都係患上睡眠窒息症，至令患者睡眠不足，在駕駛的情況下經常進入淺睡區。通常佢地會突然醒一醒，然後又訓過。估計你當時響鞍佢會馬上醒，車速和行車線位都不會有變化，不過十秒後可能又訓翻。俾我會加油走人，離佢有咁遠時得咁遠。駕駛電單車時遇上呢類危險人士，你可以做的其實好有限。顧掂自己安全為上。
|
|
|
28 Oct 03 |
你好.有個問題問下你,咁如果過戶去運輪處有咩手續or要帶齊咩文件呢。唔該。
Keung" <keung1@onebb.net
身分證，車輛登記文件(必需有舊車主簽名)，臨時保單，連同買賣雙方都填妥並簽署的車輛過戶表格，預備相關費用便可。
|
|
|
28 Oct 03 |
購車建議
本人P牌女仔欲購車150cc羊仔.心目中車款包括03'T-Rex
150,Teo's等平地台車種,用作上班及假日四處走範圍包括黃大仙->柴灣(日常),->
西貢(假日),遇然一年二至三次->屯門.可否提供意見.(可以唔係所提的車款).此外,從車主報告中鮮少找到Teo's資料,唔知該車性能如何?因為唔普遍維修是否較為貴??
Amanda Yau(請勿刊登本人Mail-address) 未知閣下身高腿長，很難給予中肯建議。假設閣下中等身材腿長38吋為例，採用傳統日本低座位綿羊會比歐式綿羊的高座位會較為容易操控。所以T-Rex150會比較容易建立信心。但Teo's 150採用水冷機器，論規格質素較T-Rex優勝，可惜在香港流行程度不及T-Rex150，改裝部品和維修價錢也較貴。黃大仙去柴灣，路程話長唔長話短唔短，但每天都要上高速公路，有沒有考慮過大轆綿羊Honda SH150?不過有利必有弊，大轆綿羊普遍車身都較高。 |
|
|
27 Oct 03 |
小心『拍車黨』騙錢
以下是一則本人遇到『拍車黨』騙錢的親身經歷，請大家幫忙forward開去，讓香港市民有個警愓作用，謝謝！
事發經過：二00三年十月二十五日約下午六時許，小妹駕著我的小綿羊『豪殼150』於西環遍尋車位不獲，於干諾道西『香港商業中心』轉出德輔道西燈位停車，突然有一男子行出馬路跟我交談~~~該男子身高大約五呎十吋，四方面形，貌非本地人，衣著整潔，穿黑色西褲、皮鞋、淺啡色裇衫、手拿著一個黑色公事包、左手中指帶有黃金戒指、腰間纏有橫放手提電話一部，操流利普通話。該男子透露他是來自台灣的遊客，這次來香港是要找他的朋友，但他來到才發現原來朋友剛到了美國，他身上剛好沒有錢，想問我借四十元去食飯。開頭我扮聽不懂，看見綠燈想開車走，但給他纏擾著至紅燈沒機會開車。告訴他我身上沒有錢，他說只是四十元，不是太多，看他的樣子也不像會騙錢的。但我說身上真的沒有錢，他便問我有多少錢，我說我駕車不用花錢，所以沒有錢，然後他便揚長而去。
於是小妹轉出德輔道西，往水街轉出干諾道西，再由嘉安街轉入德輔道西過對面線，由屈地街轉出皇后大道西，經由和合街轉入南里泊車。途中在嘉安街及德輔道西燈位的街口，再次見到該騙徒向路上的另一行人騙錢不果，騙徒於是向沿著德輔道西往上環方向前進。心想若見到警察叔叔一定要報警！！！車行到山道麥當奴時見到一警察叔叔，即泊好車去找警察叔叔，但到達時已經不見其踪 影。。。。。。行往搭小巴到葵芳之際，在德輔道西遇見一警察叔叔，立即向他舉報，說出事發經過，警察叔叔不是太緊張，以平常的速行繼續行，說看看他行得快還是騙徒行得快。在西環已經遇過很多很多次這些問人借錢的騙徒，大話層出不同，有拿著空空如也新買而且還有假master咭的銀包說自己跌了錢；亦有三分鐘之內問了我兩次借錢的。。。。。。 奉勸各位騙徒：要騙錢的話，也得要編好故事、背熟台詞、練好演技、懂得執生，最重要是有記性，懂得認人！！！
各位市民請留意：據資料透露，近日頻頻四出活動的拍車黨多是來自自由行的遊客，他們衣著光鮮整齊，令人相信他們不像會騙錢。他們通常會行出馬路拍車（大多是拍私家車），跟司機說自己來找朋友但找不著，問可不可以借幾十塊食飯，通常司機知道是給騙錢但金額不多，為免阻塞交通也寧願給錢騙徒。雖然騙徒每單生意騙到的錢是不多，但積小成多，出來拍一日車也能攢不少。當然，除了拍車，在街上的行人他們也不會放過。
奉勸各位市民：不要因為怕一時的阻塞交通或麻煩而輕易給錢騙徒，這只是助長了他們的犯罪行為，令更多無知的市民有機會被騙。如遇到這等情況，應該立即向警方舉報！
Amy Tam阿咪敬上
monkey80118@hotmail.com
|
|
|
26 Oct 03 |
Buy and sell enquiry
Hello, 你好!
本人剛考到牌。我已經看見合心水的車, 但是是私人買賣, 我應注意什麼和手續買賣程序. Thanks,
Iron ironman18@sinaman.com
先恭喜你成功考到牌。有關私人買賣注意事項，在【知識技術】一欄中有幾篇相關文章。
|
|
|
26 Oct 03 |
你好!我現正學電單車,
預計明年一月考到牌。若我現在看見合心水的車,可以先買下,等有牌才揸嗎? 如果是私人買賣, 我應注意什麼?謝謝!
心急人 im_cbs@stu.ust.hk
千祈唔好咁心急，你在學車期間認為合心水的車，第日考到牌後未必可以成功出到保險，或者當你有牌之後己經唔鐘意呢款車。都係等多陣，考到牌後先買車啦。車價係不斷折舊緊，同一年份的車，當你考完牌後車價應該會比現在平D。
|
|
|
26 Oct 03 |
關於電單車保安問題
編輯先生,我是iBike既長期讀者,新牌剛抯左1年多D(已除P),睇左各大留言版,話電單車比人偷野既情況都幾多,我想問下我已經已經裝左防盜同買左2把U鎖,請問下以你地既經驗來講,唔想比人偷野重有無d比較實際既方法呢?(當然唔可以話唔抯啦,又或者長期放係停車場,雖則我知道有人放停車場都比人偷車.)而家既防盜措施又有無D新既科技合電單車用呢?
希望你地除左介紹電單車外亦可多d介紹係呢方面既資料.
thanks a lot! Henry henry182@pcmail.com.tw 自古有云「道高一尺，魔高一丈」。任何防盜措施或用具都有它破解的方法。我們的見解是，你部車會唔會被人偷，主要取決於以下四點：首先係有冇偷車賊係你泊車個頭出入。第二點係賊仔想要偷你部車的慾望有多高。第三點係你設立左幾多度關卡來防守你部車，需要消耗賊仔幾多時間去偷。留意第二點和第三點是存在此消彼長的關係。基於取易不取難的原則，車鎖的質素和數量，是會影響你部車被偷的機會。但靚鎖只是減少被偷車的機會，如果你泊車個頭有好多賊仔出入，而佢地又好想拿你部車的話....就算你搵個鐵箱鎖住部車，佢地都會成個鐵箱搬走....所以事實係失車的風險其實都幾被動，我地只能在有限範圍內做好本份。 |
|
|
26 Oct 03 |
CB400電壓
師傅你好，本人架 97/01 HONDA CB400SF
VS，早前曾撻唔著，檢查後發現電池無電。充電後架車回復正常。但小弟用他表(指針式)檢查時，
壓顯示12-13V，扭油門後指針升至14-14.5V，但再進一步扭油，指針突有不規則的升高降低。(當時他表放在車上)但我把他表放遠離架車時，顯示正常(12-14/15V)，沒有不規則情況。本人想請問師傅，為何架車會有類似的干擾，是否架車有其他零件出問題??
註：在裝回電池時，曾不小心另電池正極及車架短路(沒有燒FUSE)多謝老鬼師傅。請不要show我email，唔該
PKJC
通常我們會用(跳字式)錶,一來易睇,二來可避免震動,針錶相信係用來度要求度高的電子零件,而聽你講識得用針錶同度charging相信你都係用電高手,short電但無燒30Amain
fuse就唔駛驚,因為著到車就表示無問題!
|
|
|
26 Oct 03 |
幾多換油?
我架係Majesty250新車,
手冊話run完就3000km先換一次, 但好多時網友話1000km換就最好,
到底我信邊個好呀??幾時先要換電油隔、偈油隔?
幾時要加d水去電池, 又有人話而家係用唔駛加水既電池喎, 我架係咩電池呢?thx~ KK abalone_club@hotmail.com 1000km就好似密得濟,除非你一星期只用幾十km,擺多過用.3000km換係正常,,電油格8000km,同埋你架車係得過沙網做油格,唔駛換.電池係用絕密式免加水.絕對唔同其他電池! |
|
|
20 Oct 03 |
能否先行1000km才換偈油 請問一架一公升級的舊電單車，它沒有駕駛一年，但一年前換完偈油才沒有駕駛，現在機於冇錢，能否先行1000km才換偈油，低轉數行 車，可以嗎？我想行2000km才換，講到尾冇錢呀，架車朋友送架，唔該！ kammingshing@hkbn.net 有咁大個理由,唔換都得!換左好d咁解(姐)! |
|
|
20 Oct 03 |
地線 1.請問如果我要自己接地線, 要連接負極同那幾點? 2. 另外, 銥合金火嘴二衝單盤羊可以用嗎, 號碼要更改嗎?謝謝 宗仔 gottamusic@yahoo.com 只雖連接在車架鐵器部份便可,火咀一樣可以換,用返一樣度數車行d人會同你對到no. |
|
|
19 Oct 03 |
XX車行呃新牌仔
本人係一名新牌仔，對車的認識不多，只在網上看到車友留言話XX車行好，所以便去睇車。去到車行，買0左駕大林125，(第三手
)，買時我己問保養情況，老闆口口聲聲說︰『放心，保你一個月。』點知，駕車越揸越唔對路，只係短短既一個月，我要叫車行拖三次車，而每次整完，師父成日都話無事，仲要話呢駕係二手車，梗有野壞，唔同新車，試問我一個外行人又點會夠佢講。到今日，駕車又話整完，點知仲衰，無力之餘，又易死火，操呢駕車我真係想死呀。逢勸各新牌仔唔好去XX車行買車。請
editor 代登，希望唔會有其他新牌被騙。
Alvin Tsang" <tcm_810@yahoo.com
我們刪去車行名稱的原因，是因為我們認為車行並沒有失職。二手車唔係新車，一定有唔同程度上的問題。尤其是係冷門牌子的二手車，更易有不知名的小毛病和零件缺貨等問題。相信你架綿羊，車行都係收番來的。收車時的初步診斷，只能睇到一D比較嚴重的問題。至於可靠性和小毛病，就唔係咁易搵到。車行話保你一個月，係指一個月之內架車有問題佢地會同你跟，而唔係保證你架車一個月內會冇事。即使係全新車，都冇人敢寫包單話一個月之內唔會有問題發生。所以車行一個月幫你整左三次車，佢都會嘆句倒霉。呢D野冇人會預先知，亦冇人想。二手車的質素，好多時會係價錢度反映左出來。所以平車平得有佢道理，相反貴車亦貴得有佢道理。但係如果有一D車，貴得o黎又成日壞，咁先真正令人生氣。
|
|
|
18 Oct 03 |
3000KM要換機油 師傅你好, 本人新P Honda@仔,但有十年駕駛的士經驗,有些保養問題請教,一般油站買機油是否電單車適用,代理話 Run in 完每3000KM要換機油,如果經濟理由可否過 10000KM才換,因搵食車一般15000KM才換油,引擎也可正常使用過百萬KM,又由於電單車冇尾差速器,所指換尾牙油是那部份? 亞昌 請不要show我email. 昌哥,你擺架搵食車同自己架車比,唔係呱?私家車波箱同機器d油係分開,電單車就唔同,係連埋一齊運作,的士粗咪但電單車高轉數你話邊樣傷d,電單車係用返專用機油,有度數分別,唔好係油都倒落去,包括花生油.3000km換係好合理做法,經濟理由過萬才換,分分鐘偈都壞埋,第二次都唔使換,好似的士成部機器換.尾牙係指帶動尾輪轉動位置,在車尾最後部份. |
|
|
18 Oct 03 |
@150 run-in 中,很"立"
老鬼大師:小弟架@150近來很"立"(直路油門幾低至去到8x到,上斜6x到,單斜.由於run
in所以未試過超過90,但感覺比以前難去到80..),比油時好像比人址住,呢個情況尤其發生在朝早第一次開車時(返到公司攪1-2個鐘頭再出黎開番車架車明顯爽番d),我每朝會由粉嶺去牛頭角經大老山出,全程高速(由於run
in中比油順住黎比,速度大約70-85到,當去到牛頭角時個水溫都只係去到1/3到唔知有冇關係呢?)其實我架車係新車run
in
中23xx公里到..我係1000公里時係代理度換左"半合成机油"2000時換左"全合成机油"我記得呢個問題係發生係大約1500公里到..我真係想知點解會咁?又,架車係慢車時(50以下),會chok下chok下好以行緊d凹凸路咁,正唔正常?有勞大師出手相助,小弟不勝感激!!!!!
Stephen stephen@youcme.com 我相信佢地d機油係無問題,你run in手勢亦正確,會否早上取車無煲車呢?因為機器在未有正常溫度下運作是有一種硬磞的感覺,到你從公司再取車的時候,因機器還是暖所以就沒有那種感覺,至於話50km下定住油門車會窒下窒下,咁就唔多正常(如你沒有刻意比油或縮油)!可回代理檢查一下. |
|
|
14 Oct 03 |
hi老鬼師傅你好,小弟想請問cb400VTEC2,個風chock係?樣用？一拉就死火！車行話比住油拉，我試過一樣死火！到底?用呢？ DM 請不要show我email.唔該老鬼師傅。 個制係比你難著車用,當你發覺撻車時,要按start制好耐都先著到車,你就可以拉起佢,著左車後你就放番低佢,如果唔係就會有你咁樣情況出現,如撻車正常是可以不用的! |
|
|
14 Oct 03 |
想識多d朋友,游車河,交換,阻車心得!請指教(不提供頭盔) 出發地點: fanling / CB 400 V-TEC Don / icq no : 282865766 |
|
|
14 Oct 03 |
小心被騙
本人從荃彎某車行購入一架貌似majesty既綿羊,由於本人過份心急.故此沒有check清楚架車.我去車行問時,車行說這架時majesty150.由於本人是行外人.便信以為真.故此購入.但出車就知出事啦!這車只能行走數十公里.之後便打柴了.於是便打回車行求救.整左兩日.我便回車行取車.呢次車行話無事.我便駛走.但因為本人再不信此車行.故本人轉向另一車行check車.一check車就大件事啦.架車任何野都要換.架車基本上係八國聯軍.咩牌子既零件都有不過全部都係壞既.車行已經報價起碼要2-3000$!希望各人買車時一定要同熟車既人去.車行不是間間都信得過車(見圖)
n_n318 :請不要show我email. |
|
|
14 Oct 03 |
250綿羊問題一則 本人的綿羊以兩年車近日發現慢車行凹凸路面有支支聲今日又發現在一般行駛時好像金屬磨擦聲音那些聲音支停車就沒有不知是什麼問題 祝主持人身體健康 kenandeva kenandeva@i-cable.com 隔住部電腦,你估我知唔知到個d係乜聲呢! 呵? (編按：會唔會係你支尾避震打左柴，漏晒d避震油咁滯呀？) |
|
|
12 Oct 03 |
我車有啦!想識反D車友,學習駕駛及路面經驗.... 出發地點: wong tai sin Yuki 90568320, ICQ> 150167263 |
|
|
10 Oct 03 |
頭brake碟厚度
師傅你好, 想請問一般400街車如Super 4等, 頭brake碟厚度剩下多少便需要交換呢? 價錢如何?謝謝
遙遙
z750haru@yahoo.com.hk
正常3份1,慳錢5份1,英國皮$280一邊.要問清楚佢比乜皮你用,大陸皮就無謂用! (編按：相信老鬼是誤會了你問迫力皮的厚度。迫力碟的邊沿厚度通常變化很少，反而要留意坑紋。 如果隻碟起晒深坑就最好換過第二隻。 |
|
|
10 Oct 03 |
老鬼你好,本人是p仔,駕2沖runner,在一次下雨天跌車後,溫度錶時有時冇反應,而且自己換了左邊牛角,但換了後,按下時..要比較大力,好像有野壓住吱吱聲,想問是否要換break油?因為看到break油胡內的油,左邊是黑色..右色是花生油咁既色還想問,車安如果一分二可以嗎?會否影響其他電器?綿羊可以洗cup嗎?洗cup對車有幫助嗎?是否要定期洗cup的?因為熱車時...車行起來沒有涷車時咁好力,有方法解決嗎?本人還換了死氣喉,請問可以請洗的嗎?還想問,cb400想出燕梳,但不夠歲數,找車行出,和用自己名出有何不同?有壞處嗎? 心急的p仔上... bigboxxgaryz318@netvigator.com 牛角近泵心位置落些潤滑油就可以,溫度錶好明顯要整,你打開個油壺睇下個膠帕係唔係跌左落黎,如油變黑是要換的,2沖車一樣要洗吸,更可洗去電油同2T混合油漬,另到架車更精神,死氣喉裏面唔使洗,唔係以前的車要拆豬籠出黎燒.唔夠年歲可叫親朋戚友,姨媽姑姐代出,即係代你買車然後比車你楂.!不過有事你就可能會累到佢以後買貴保險或者買唔到保險！ |
|
|
09 Oct 03 |
VTEC 1 著車問題
老鬼你好,本人架vtec1刦朝早時著車一撻即著(唔駛比油),但當熱車後(6KM路程)1至2個鐘後再著車便很難撻得著,起碼要撻五秒或以上(有比少少油)請問係咩原因呢?而轉數亦有小許不穩定,和以上問題有關嗎? 另外我想換FORK油,係咪要成對拆出𨪛先換到呢?唔該老鬼 wotin
通常車行會叫你洗吸先,之後會幫你check平衡同較虱油位,轉數就會定d!vtec1fork腳係無縲絲,所以係要成枝柝落黎放油!
|
|
|
09 Oct 03 |
Bandit600早上撻車一問 師傅你好,我部bandit600行了6000km,剛換油用半合成油15ｗ50,本人每天早上?車總是要拉起風制才能順利起動引摯,著車後如即放回風制,引擎好易死火,必雖拉起風制行一陣放回才正常,車行話正常喎?對嗎?,註:凍車時轉數800~900rpm 行熱左約1300rpm左右,別問如用半合成油對部車有乜影響呢?用全合成油部車會耐用一點嗎?一般唧鍊油需幾耐一次謝謝~~ Luen shekluen@hkbn.net 油泠車的確要煲車,個風chock係著車用,無分4季,如果有分廠會說明,不過要拉住行車就唔多正常,應該煲一陣就可以,熱車轉數在1300rpm都可以接受,可能因為凍車易死火,所以佢較高d個轉數,不防到車行叫佢check下!全合成機油抗磨度高好多!如可以,換全合成好d,洗完車或發覺條鍊乾身就落啦!但唔好太濕,危險呀! |
|
|
09 Oct 03 |
師傅,本人車子是93 STEED 400,
已冇力一段時間(比油都唔願去)，食油(平均每缸油唔見起碼30km), 引擎熱度比以往高,
引擎聲音變得好"拆"(不覆當年雄渾), 已洗cab, 換火咀風隔偈油, 但都冇效, 究竟是那裡有問題?
該從那裡入手?謝謝回覆 KK info@primegates.com 機器有聲你仲問?小修機器會好好多!話晒有十年車齡，遮鈴一定有損耗，攝下哇佬咁。 |
|
|
05 Oct 03 |
CBR400
CBR400 (應該係個cup出來的油喉, 有兩條 輪流) 流電油, 俾過間車行整過, 佢話三星老化,已換左兩粒, 而家再次出現流油情況, 我已對e間車行失去信心, 因為佢一整整左成個月, 請問架車應是咩問題???流油問題係米好難攪???一般車行要整幾錢??? RAIN chwing@yahoo.com 整流油並不複習,成坐吸得幾個地方漏油,又除非你慳住錢整,幾舊水又洗吸又換偈油d套餐呀!否則一定可以斷尾(內裏因修理不正確或三星座表面損壞,這樣是不能修理的)會漏油的地方,杯底膠圈,連接4個單吸中間的膠圈,三星4粒,浮波及電油喉,除非佢無專心清冼,否則一定可以check到那個位置漏油. |
|
|
04 Oct 03 |
碟鎖 你好!本e-mail與機械無關,但希望你地會張貼!小弟早前在香港東區一電單車行買了一個碟鎖,但用了約三星期後,鎖(月旦)居然整個脫落(見圖),希望其他車友小心!!!!不要誤買水貨!!! chan ka-kin(請不要刊登我的e-mail) |
 |
|
03 Oct 03 |
老鬼先生：本人之CB400已於兩個月前發生以下問題：
1.) 收晒油後前輪發出撻撻聲，2.) 上斜路冇力，引擎轉數急速下降，3.) 轉高波時架車比油都唔去，之後攞咗架車去燦基整，有一段時間沒有以上問題，但近期又出現以上情況。是引擎有題還是火咀有問題呢?近期條鏈重有撻撻聲，是否條鏈同齒輪有空隙，還是有其他原因呢?如何知條鏈及齒輪夠薛騚咿O?多謝回答以上問題。
Andy Poonn
cppoon2002@netvigator.com
你曾經去honda整過,佢地會有你架車的資料,你可再去問點解問題再出現. |
|
|
03 Oct 03 |
老鬼你好：我架CB-1300曾經補過3次尾呔,現在約行一個星期就要去打呔氣(#32422;叮15吓),我己經檢查過條呔無被釘插住,請問市面上嘅防爆呔劑有無用.
大車狂 wingxxxxxxx@so-net.com.hk
如呤邊無漏氣,就是補過的位置返漏,由於表面開始磨損,入呔補頂得一時,由於太多釘孔,安全起見換左佢啦!
|
|
|
03 Oct 03 |
難入空波
大師父你好,我部94/99 CB 400 sf Big One, 偈油新換, 好難入空波, 熱車尤甚,何解 YM Chiu ghostkid20@hotmail.com 偈油有否太多!如無就是波乂有問題. |
|
|
02 Oct 03 |
Apple
siumanchi@hotmail.com
身高: 162cm 體重: 108lbs 自備頭盔: NO 我報考了電單車，誠意向各位指教駕駛心得! |
|
|
01 Oct 03 |
師傅, 又係我.現在我的二手ET-8,
在撻車時引擎內有好像碎銀撞擊的聲音,每次都係1,2秒後才正常引擎聲,不知道是甚麼原因, 請可以指導小弟,謝謝.
Choy Tony
vegetablesfarm@hotmail.com
個d係start牙撞擊的聲音,撻車後自然會無! |
|
|
01 Oct 03 |
請問車軑要幾耐換一次.....
小妹的 rebel 已行了二至三年, 請問車軑要幾耐換一次..... 小妹是假日車一方族, 只行了8-9,000km .. 請指教
Cat Nip
catnip@cheungth.com.hk
幾實好難講!如妳發覺車呔呔紋淺的話淺對妳心理有影響就換左佢,是關妳架車擺多過楂,呔質靚唔靚對妳作用不大! |
|
|
01 Oct 03 |
Foresight 油門問題
剛買日本進口翻新車,此車油門在放手時不會返回原位令車進入空波狀態,故在車速80km時放手,車子仍保持速度行走!
是否上手車主有意
設定,或是甚麼問題,須如何收理? 多謝解答! Jerry Au jerry_1@pacific.net.hk 撞死都未天光呀!你睇下係個扭油膠(chick)住定係條威也唔順暢好過啦! |
|
|
01 Oct 03 |
慈民村停車場電單車小心！
本人在慈民村居住多年，曾泊車於慈民村停車埸。多年來被偷車賊光顧多次，不知道保安設備有何用。時常還聽到有人被偷物件。請各位車主小心閣下的車！
nevillelam" <nevillelam@i-cable.com
|
|
|
01 Oct 03 |
資深大偈老鬼先生師傅你好, 最近 , 本人購入 一部Honda
Hornet 600 大黃蜂(二手) , ?覺頭碟出現題, 當收車時手掣浮下浮下。經檢查後右邊有鬈,
請問師父便換是否需要一對, 而Super four 頭碟是否合用, 同時亦想請問師傅在香港那裏可找在電單車( 湯 房)
kentwai6@work
是可以換一隻,如不太嚴重或影響駕駛危險,可以等到換迫力皮時更換,因為新碟舊皮是會影響新碟表面.同樣會影響停車表現,如太嚴重的話就快d換左佢,EBC的生鐵碟同原廠乂不多錢,自己撰擇,不過就要成對裝! |
|
|
01 Oct 03 |
SUZKI GSX1400
Dear OLD MAN; I have a bike
Suzki gsx1400,can you tell me where can I found the "Option
Kit", any Japan wapsite ,because I just bought this bike ,I
want to make it more power. Thanks.....
wufei wufei_duo@hotmail.com The most comfortable way is to find specialist bike shop to do the job. Some shops in mongkok,and Tin Hau (HK Island) accept customer to order big bike kit from japan and europe. |
|
|
01 Oct 03 |
架車好熱!! 師傅你好: 本人之愛駒為2002 ducati monster620ie.自從換了一對two brother尾節死氣喉之後.夜晚無塞車,行緊車都最高成120?度,?度錶度數有加無減,成架車都好熱.而油同油隔都換了.有什麼問題呢?我架車是風泠!THANKYOU! kenjikenji117@netvigator.com 你是否肯定換喉後有問題先,set得唔好是會另到車輛不順暢而溫度高!還可以問下有否機會加裝油冷. |
|
|
01 Oct 03 |
Sorry, I am not asking for
a question about fix up the bike. I just want to ask you, do
you know any book that's explain everything about
motorcycle. Because I like motorbike but I don't know
anything about it even what is 扭力, I don't understand. So I
hope you can introduce some good book for me to know what is
motorcycle. And you can reply me in chinese. Thank you very
much.
Hong Lee" <lchmf@yahoo.com.hk 有幾本書唔錯： |
|
|
01 Oct 03 |
撻車問題
老鬼師傅你好!小弟有部 CB400, 最近有時無故撻唔著車
(無特定情況, 有時停車幾小時就唔著, 有時擺2日都可以撻著, 推著後又正常冇問題), 但撻車聲是正常的.
小弟已到車房CHECK過, 他們的結論是電池正常, 不知可事. 此電池已用了一年多, 是否要換 ? 又為何無故撻唔著車
? 請師傅指點 !
一隻貓貓 puny_cat@hotmail.com 可能是start索制同摩打碳精有問題!如發覺熱車才有問題就是哇佬頂雖要調較. |
|
|
01 Oct 03 |
頭燈罩爛了！！ Dear Old Devil,如果頭燈玻璃罩爛了，用混合膠"痴"翻，出街會否比差佬鋤呢 ？（因無得配啊!!!) 偉仕 HEXAGON 150 Edd 頭燈都無得配間代理做乜呀!如痴後燈光有問題是會被炒牌的! |
|
|
01 Oct 03 |
波箱問題
你好.小弟渣zx6r個波箱唔知係唔係有問題.有時轉波會變左空波(不過空波燈又無著)轉多次又無事.有人話可能新車個波箱未順(行左1000km左右)?個頭迫力剎車時會有少少跳跳下初初是好正常的會有嘜野問題?唔該晒
Tsui 請勿刊登本人電郵地址
新車波箱緊或偈油多都會有此問題,試下換d靚偈油吧! |
|
|
01 Oct 03 |
塞車死火
老鬼你好,每次小弟塞車我都會用一波和拉著離合器來開車停車的.但近日時常拿著極力子等開車時都會無故死火.已經換了偈油,吹風隔及較高了slow,但情況依舊,請問還有什麼地方需要跟進及更換.勞煩回覆.
SANG
你要睇下個極力子制同個SIZE架制至得喎!
|
|
