鐵騎網誌 www.ibike.com.hk

15/July/01	hey! My name is Peter, I am a beginner, none experience.....so, i have got many questions??? 1 ) which one is more suitable for beginner? NSR 250 or CBR250RR?not for racing, just transport ......hehe.......(but i just want a cool bike) 2) Recently, i saw a NSR 150cc, it's about 24,000, brand new....reasonable? thank you for your advice! my e-mail address is gingman1@hotmail.cim CBR250RR is absolutely more suitable for beginner, especially if you have no intention to break the law. If I'm right, NSR 150 is made in Thailand, Brand New 2 stroke 150cc racing replica look very attractive when comparing with Taiwan scooters at similar price. Well, it is a hard decision to choose between used CBR250RR and Brand new NSR 150. Just check with other shops and make sure NSR 150 parts and accessories are easy to buy or not.
14/July/01	i-bike網主你好! 我都係新牌仔, 上年十月考o左個牌到宜家終於蓄夠錢買車! 同好多朋友一樣, 第一次買車實在常常心大心細, 唔知買邊部好, 希望網主哥哥可以指點o下小弟, 不勝感激! 1) 巡航車係我o既首選, 我亦都有兩部心水: honda shadow 750 同埋 kwasaki vn 800, 請問邊部性能會好o的? 有無其他同類型車種會比他們更好? 2) 對於新牌仔o黎講係唔係真係會好難掌握咁重同咁大cc o既車呢? 3) 如果買新車, 係唔係大多數都會去返總代理度買好o的? 唔該晒! anthony上 ahschoy@netvigator.com 新牌初試750級巡航車，係車控制人多過人控制車。就算係斜路慢彎掉頭唔跌車，都會騎得提心吊膽，享受唔到樂趣。買巡航車的話，不能一概而論，最重要都係睇價錢。
14/July/01	Hello! 本人是新牌仔, 但不用掛P牌,由於窮的關係, 諗住一係買chopper,一係買綿羊, 現有4款選擇: 1. Vespa ET-8, $24,500 2. Suzuki UE150, $18,800 (but no stock) 3. Rebel 250 $27,500 4. Suzuki GN250 $32,500 主要是假日代步, 大家點睇?買chopper保險會否貴很多? (I am 26)邊度買有卡碌service 又正?麻煩晒! Thanks for your help! Regards, WS Walden walden@i-cable.com 假日代步？即係去街玩，唔係番工放工個隻。咁就要買好 D，實用性可以降低少少。推介ET-8和Rebel 250.新手買新綿羊，出保險完全冇問題。價約二千元以下。其他車就貴好多o勒。碌咭好多車行都可以，唔係問題。不過當然係現金或上會更受車店歡迎。
14/July/01	站長你好！本人部電單車已15歲高齡，最近著車後，死氣喉把聲好平均隔幾秒就有"砰.....，砰.....，砰聲"，有時咳咳下重死埋火，會唔會點火系統接觸不良、線圈組打柴、死氣喉封o左，還是進油系統有事呢？請賜教，謝謝！ Lawrence lawrence@parcloy.com.hk 15歲高齡好多o野都可以發生。打炮的原因是混合油氣未完全燃燒便被排出燃燒室，當走出排氣管時重遇新鮮空氣才完成燃燒所以發生響聲。可能是油氣過濃，也可能是點火正時不正確，也可能是死氣閥間隙過大。
13/July/01	可唔可以話我知Vespa PX200左右把手膠點樣拆出黎???要買咩尺吋的把手膠??? 我想換個親仔啲 THX Taz taz426@netvigator.com 拆手膠一般都係用cutter「界」開佢。綿羊把手size較短和沒有「軑的」，只能用綿羊專用的密底手膠，選擇不算多，去綿羊店搵會多款D。
12/July/01	hello~我還在學習開電單車,我希望考到牌後購進一部二手bike(只用來代步)~而我只愛巡航,小羊,及街車 . 現在有以下'心水',而我個BUGET大約七千元 ,勞煩您為以下車種評評分~~~~~thanks! 1)suzuki GN250 ($6800~16800) 2)VESPA PX200 ($5000~10000) 3)YAMAHA TZR125 (約$8000) 你認為邊部性能最好呢?至抵用? 還有, 請問我地尼D未來新牌如在首年內不掛上'P'牌 , 比D白頭佬促到會罰乜GA? 讀者科哥仔上 kamov18@hotmail.com 代步選擇綿羊或街車最適合。Vespa PX200 和細T都是二衝車，冇四衝車咁可靠耐用。極速最高-TZR 125(但辛苦，嘈)，載貨量最高-Vespa PX200 (不銹鋼尾桶)，但操控不及其他車。易用、耐用、可靠都以Suzuki GN250工商車最佳。新牌騎GN250十分合適。應掛P而冇掛P，冇事就冇事，有起事來就衰多兩錢。係咪真係咁介意個P呢？點罰我唔清楚，有興趣試過後請話我知。
12/July/01	你好!!本人乃新手一名,有問題想請教一下.麻煩晒. 1. Damper 應安裝係乜位置呢?一般價錢係幾多呢? 2. 軑呎是何作用呢? 棒狀的Steering Damper/釘把/軑尺的裝法有橫置和側置兩大類裝法，但都是以車架或引擎作支點，連接轉向軸或前叉。作用是減低前輪不需要的擺動震抖，加強高速時的穩定性，也能減少車手在恐懼時本能介入的不良反應。在香港價錢由幾百元至三千元不等，但未計算把damper連接的特製碼，特別的裝法需要特別固定碼，價錢可以和damper本身價錢差不多。 3. 倒吊頭fork及單擔有乜好處? 倒立前叉/倒fork/usd fork/up-side-down fork 剛度比傳統套管前叉高，路面感和彎性敏感度也較高，但普通行街唔係必需品。單擔主要作用是在賽道上能較普通尾擔更快速地換尾胎。行街用則代表外型漂亮。 4. 是否任何跑車都可安裝pk膠? 大部份跑車都可以搵到位裝pk膠。 5. 小弟之二沖跑車近來好像比以前聲音大,是否常常谷車所致? 你說聲音大了？是排氣聲還是機器聲？排氣聲可能是隔音綿到期。機器聲則代表狀態差了。 6. 有冇辦法改善低轉扭力? 改善低扭請用原裝喉和風格。不要改車。祝貴網蒸蒸日上,多謝. 亞協 Kyll27@aol.com
11/July/01	本人在 7 個月前在車行買了部 steed 400至今己行 2000km,應該幾耐要換火咀,電池,迫力油,偈油,同埋在引擎前的東西是什麼(很像隔塵網的)它的功用是什麼及要更換嗎?thank you yuen13 yuen13@netvigator.com 請問你買的Steed 400是全新車還是翻新車？是全新車的話，只需換偈油和油隔便可。如果是二手車，買來至今都冇搞過ｏ野的話，係時候換下Ｄ消耗品。其實唔駛刻意記著那一件消耗品可用幾多公里便需要更換，因每人駕駛的情況都不同。當難著車，車頭機器嘈，食油，便表示有ｏ野需要換。尤其是當難撻車，火咀便要檢查或更換。如果好日都唔用車，用車都係短途低速行駛，咁差電情況可能不理想。最好日日都用車，間中爽一爽，咁樣舊電就好襟用（2-3年以上）。迫力油係耐用品。等聞兩年貨仔。但當發現迫力油變濁，手感軟弱，掣動無力時，可能系統入氣或受潮，影響性能，咁就要檢查，第一步便是更換全新迫力油。留意迫力油一定要全新開封，溝油或舊油都不適宜，因迫力油極易受濕氣影響，受潮後沸點降低，影響掣動性能。一般行街用ＤＯＴ４油便可。Steed 400引擎前很像隔塵網的東西是水冷散熱柵，作用是幫助冷卻液把從引擎吸收回來的熱量，利用這些薄薄的金屬柵片把熱量導入空氣中。無需更換，但洗車時不要用高壓水喉向它噴射。
11/July/01	Hi! My name is Peter. I am a oversea student, studying in Australia. Recently, i get a motorbike license.and i am going to buy a bike too. but, i really don't know which bike is good for beginner, accroding the Australiua's las, i only can ride a 250cc motor bike, so, i decide to buy a 2nd hand bike. I have chosen 3 types motorbikes, there are HondaCBR 250RR, NSR 250 PGM IV. and Suzuki Across X 913. Their prices are also around hk$24, 000 to 28, 000. However, I couldn't find NSR, then i only have 2 choices. but, the seller told me, I have to pay a lot insurance for the first year, which's about hk$14000 for the CBR, oh, my god......too expensive. but if i go to buy Arcoss x 913, i only have to pay hk$4,800 for the insurace..........how come there are so different??? and what should i do? would you give so advices for me please........thank you so much. my e-mail address is gingman1@hotmail.com My suggestion is Across 250, reason 1: you can save a lot of money on insurance cost, reason 2: the fake tank can swallow a full size helmet, same as DNA 180. Across 250 also have 40ps, four stroke engine, and you can expected a more comfortable touring position and European fairing style than CBR250RR. (I assumed the bike is in red color).
10/July/01	i am see your web site everday ,keep hard ,,, u are really well for the site, it's site,i have one question only, u know when will have Piaggio ET-8 150,used motor bike ? if have it now in market, how much is it ? Thanks Ellis Ho eh@flexsystem.com Can't tell when will those owners willing to sell their new bike, if you are lucky enough to get one, reasonable price should below HK$ 20,000.
10/July/01	你好 ! 本人現時的座駕是90/93 V2. 現在有幾個問題想請教 .我之前有架3仔 , 3仔入滿油可以行200/Km , 但這架V2入滿油後,只可行120/Km , 是否V2本身設計有問題還是化油器有問題? 大霧山亞華上 chinadiv@korchina.com 又真係大咬o左少少，有冇check過風格？極力子輕微打滑會有影響。都照計唔應該過6毫子一公里。
10/July/01	本人剛為車主, 想請教幾個問題. 有時撻車不著, 但會聽到'撻撻'聲, 會否是整流, 線圈有問題,又或是火咀有問題到期更換??整流, 線圈分別有何作用??怎麼才知要換火咀及風格?? 祝貴網蒸蒸日上 officer@iloveilove.com 難撻車有好多可能，以你情況估計，最簡單的可能性是火花不足 - 可能是電力問題或火咀狀態問題。通常第一步是檢查或更換火咀。唔得再檢查電池及火咀導線，最後才看引擎。整流的作用是平抑由發電機隨著不同轉數所輸出高低電壓的變化，以供各電器及儲電池之用。線圈是發電機的主要組成部份。當難撻車，先檢查火咀。耗油量無故上升，先查看風格。
10/July/01	師兄/姊您好,（相信大家都係同門---駕駛學院）小師弟有個大問題要請教,本人考取駕駛執照數年,實質揸咗車（super four）約一年,絕對好車一部不用多講,但因個人技術、潮流、資金和要求的改變,有意升級轉車:budget只有約四萬五左右,多心的我有多個心水選擇及隱憂,望君給予真實而詳盡意見............ 衷心感謝!!! RVF400...............太熱門,驚日夜提心吊膽（除時轉咗車主自己都未知!!） Hornet600............前輪得16in.油缸巧合地裝得16L（莫非係lucky no.;據聞幾大食？）年份高dd嘅CBR900或同級SUPERBIKE（小小擔心揸唔慣fairing車就大鑊!!） 1000cc或以上大街車,ZRX,BANDIT,XJR（小許怕車重!!）全部好車排名不分先後）心急的小師弟字 Wong Hysan ninjazx7rr@hotmail.com 咦，咁即係話你手車好o左，錢又多o左，聽見都開心。唔好唸400cc跑車o勒，又騎番街車Bandit /ZRX/ XJR 1200會悶播。係時候升級玩大啡呤。二手車四五萬筆直好多選擇，98年之前的CBR900RR任你揀，99 CBR600F4，再平D有97 ThunderCat YZF600，大把你揀！當你嘆慣大跑車後，自然又會心思思轉玩綿羊或重投街車懷抱！你就好啦！
06/July/01	唔好意思呀!我是一名新牌仔﹐我想買架巡航車﹐但我只愛Shadow,,那我應該買400CC 定是 750 好呢?? 而且以上兩者分別在那裹呢?? 同埋﹐兩者價錢是???? Thank you very much!! Jason jason@dcdcorp.com 新手當然是400cc較易上手。尤其是巡航車比其他車款笨重，泊車掉頭慢彎都幾考功夫。400和750除了馬力和車重外，車身設計裝飾都不同。印象中來港的型號只有750有新車，400都重係舊款，講靚仔一定係750。但二手參考價錢400只是兩萬多起，750則非四萬元以上。
05/July/01	網主您好: 首先多謝網主,因此網真是做得很成功,而對我這個Ｐ牌仔很大幫助. 本人是個對電單車毫無認識的人,在上月考到牌後用了$12500買了一部2000台鈴星艦150,但發覺架車好飄,車頭有時好震震到望不倒後鏡,但有時又冇事,請問是否正常,另外後制很難停車,是否雖要換皮,而落斜時好像空波滑行一樣,請問是否棉羊一定是這樣,同時請網主解釋一下綿羊自動波原理及開綿羊的技巧,因本人發覺開普通電單車容易過綿羊好多!多謝! lee ky joe9222@hotmail.com 單汽缸如果走高轉數，車頭震自然會連鏡都震埋。試下擰實D縲絲睇下有冇用？剎車時有冇聲響？尾鼓的掣動縲絲有冇擰過？鼓剎要自已攝皮o架。如果擰到盡，咁就要換皮。自動波危險的地方是唔俾油經常會有空波的感覺出現，如果有需要，例如落斜或過彎，可以keep住油門但輕拖尾掣動。如此便可控掣車速又不會有空波的感覺。
05/July/01	本人現正想買一輛二手綿羊細代步,六年多沒有駕電單車了, 最後是開偉士PX200,個人比較注重性能.現在不知買那一款綿羊比較好,聽說自動羊的不夠街車耐用還要經常要維修, 可否建議一兩款150CC.性能比例高及耐用的款式給本人,謝謝! 不董買車人上 polun@ewisdom.com.hk 你說不懂車但我說不似啊。因為你注重實用和性能呢。自動羊的傳動系統如普利珠和傳動皮帶的確比大車需要更密的保養。但問題不算大。當然150綿羊的過份操勞，更需要頻密保養。所以250老綿似乎適合你多d。既然有騎偉士底子，腳掣細轆easy執，冇乜綿羊可以難到你。舊車Freeway CH250萬多元是很好的選擇。唔好唸150勒。
05/July/01	老師你好!!學生我正在學電單車!!我有些問題想問,電單車型號前有兩個年份一個係製造年份,一個登記年份,她怎樣影響個車價!?(為何有時92/98同一款電單車會貴過94/96??)電單車安裝了防盜會否影響她!?新牌仔想出跑車款你就提議CBR250rr/ZZR250,如果想出街車有何提議!!??謝謝老師!!^_^ Chan Kenneth dkenneth55@hotmail.com 喂唔好亂叫，係香港老電圈中，「老師」係另有其人，我地係度只係以車友身份咁傾下閒偈o者。其實我們應只看製造年份。香港登記年份只是一個意義不大的參考數字。雖然年份越新的電單車應該越貴，但亦要視乎上手的保養程度。一臺全新的電單車若保養不善，一兩年光景便可以殘得不能置信。相反，保養妥善的電單車，只要零件充足，十年八載等聞事，狀態仍可以很好。所以價錢可以有點出入。當中還未計車子是否炒過呢！如果是新車但炒過鑊金o既，咁你話價錢又會如何呢？通常車行輸入的二手車，他們都應該做了翻新工作才會賣，例如拋光金屬部份，補油，洗車等工作，令車看起來新淨一點，除非檢查到車子有嚴重機械故障，否則都不會再浪費時間跟進。防盜器易裝難拆，也容易對電池構成負面影響，有錢不如買多兩把鎖穩陣。新牌街車選擇十分多，所有四衝程250都是合適的選擇。當然別買古董車啊，始終現代車的操控性和電器穩定性都優良得多。平平地買部CB250操車，一定冇錯。當然要靚仔買Hornet 250/Zeal 250都冇死錯人。如果身材高大一點，四佰都ok。
05/July/01	hi! i am a beginner and wonder if you may recommend some places or streets or districts where the road situation could be appropriate for a beginner like myself to practise motorcycling skills of various kind (of course not racing skills!) in a realistic environment without exposing himself too much to risks, before he can venture himself into the typical road conditions in hongkong. thanks for your attention and wish ibike prosper continuously. chan frankietalks@hotmail.com I understand your concern but the idea is not good enough, cos you still need to go through those busy area before you can reach the destination. I suggest you should practise in early morning, say before 7 am to finish your short trip, any place you like. Easy and smooth riding is the most easiest part of riding motorcycle, please find a safe place(public car park in open area) to practise your balancing skills and slow turning skills, also pay more attention to start rolling and stopping the bike until you can do it very easily. Just like what you learnt in school, when you can stay on the bike at 2-3km/h stablely without hanging a leg outside to standby, then you are good enough to do the "filtering" job - essential skill in traffic jaming. To practise the highway cruising skill, try to turn your face backward without twisting your shoulder too much, you should enhance the flexibility of your body, in order to check the blinding spot before your change lane in highway. Try to adjust your head when looking into the mirror instead of wasting time to fixing the mirror in correct position. Don't trust anyone when you are riding in HK, always thinking about what will they do next.
04/July/01	請問各位前輩對DNA 180 呢㗎老電有咩評論?? 本人想出呢㗎老電,有冇人揸開呀???講D心得來聽吓.. 維修多唔多??零件(engine)是否同Runner 一樣相同，易唔易配?? 買唔買得過??? 多多指教 Wai kenry@hkguy.com 相信你睇o左我地果份新車介紹，視乎你想要乜。求舒適，冇。求性能，一般。但要過癮見人有話題，DNA180平平地幾適合。引擎和Runner VXR180一樣，零件供應視乎奧士行政做得好唔好。
03/July/01	sorry, 你們的申請表格取消出現問題,唔能夠寄回給你們, 所以,本人用e-mail,通知你們「01-Jun-01, Honda CBR 600 F3, , 價$ 39000」.「01-Jun-01, 84/95 Honda GB500TT, 已售, 價$ 20000.-」我已賣了,Thank you. 阿忠 lcjang@hkbn.net 謝謝你的通知。看來你沒有refresh你的browser,或沒有清理temporary internet file，因為我們已改換了新的申請表，所以舊表格無法再投遞。賣晒D車，咁買乜車呀？
03/July/01	站長先生：又來打擾你啦！我部車係V2引擎，當比大油時發覺有一邊排汽口竟然出黑煙，佢會唔會有肺癆，點至醫得返佢呀？（醫者父母心）唔該站長... Lawrence lawrence@parcloy.com.hk 出黑煙代表燃燒不良，先換火咀看看效果如何。
03/July/01	網主你好：本人十分熱愛電單車，亦是一個喜歡旅行的人，如果可以兩樣結合就好了。所以多年前有個念頭，就是可以駕著自己的愛驅，穿洲過省去遊覽不同地方。其實可以加入一些車會，定時會有一些拉力旅程到內地走走。但我聽朋友說，自己申請入境過境，內地和香港關卡會拒絕的，請問是否真的？如果可以又怎辦呢？我記得一兩年前有個歐洲人騎著一部偉士綿羊仔由歐洲走到香港，當中經過很多城市，是否可以即時申請入境呢？那麼香港人可唔可以這樣？謝謝回答！！忠實網迷 Alex alexchai@hongkong.com 有關電單車的海外旅遊巡航的手續和經驗，可請教「安定車行」的發哥，他們的理念和你一樣，不想被局限在香港的彈丸之地，人多一起去會更好玩和安全呢！電話：2399 0993
03/July/01	你好! 不知是否因近日雨水多,我部 Yamaha TW200 油缸生銹，銹水入了油缸,會傷車嗎?因部車落地一星期,有無方法防止繼續生銹呢? 檸檬茶 lcy310@hotmail.com 你意思是油缸外壁生銹還是內壁生銹？內壁冇得搞個播...保持油缸常滿，油喉加裝電油隔，鬆開化油器底部的縲絲，讓電油流出沖出沉積物。如果是外壁，檢查一下為何油蓋會讓銹水滲入油缸內，(正常應該唔會)，銹和水都不利電油燃燒和化油器的準確霧化運作。
03/July/01	Dear ibike webmaster, Where can I buy motorbikes helmets? Can you name some locations where there's a wide range of collection please?Thanks a lot! Yappri~~ yapprijai@hotmail.com MotoMart, check this out: www.motomart-hk.com
03/July/01	站長先生：本人發覺部電騎有如下問題：盤軑在低速時有少許偏向的跡象，要用雙手扶住佢先聽話，請問有什麼問題會導致這現象呢！如此問題大唔大鑊？會唔會有的得醫呀？請站長先生賜教！賜教！Lawrence leeykee@sinaman.com 好多可能性，胎氣不足，頭fork變型，fork油不均，波子盤打柴，甚至兩條胎alignment唔o岩，都會發生不能走直的現象。先check胎氣和檢查波子盤(把手鵝頸啤鈴)，都唔得就換fork油再睇下點。
02/July/01	你好！我是大陸的一位車迷，平时用一部96的ZRX400代步，只行不到一万公里，在發动机3000-5000轉的时候排气管会發出象吹哨一样的响声（咀咀咀的）不知是KAWASAKI原厂就是这样还是排气管有故障？怎样排除？不吝指教。多謝！！祝网志蒸蒸日上！你們的忠实車迷 xzzf@163.net 排氣管的聲音確實是會隨著發動機的轉數不同而改變。雖然我們不明白你所聽到的聲音，但3-5000千轉的區域是一般車廠刻意設計出來的「缺陷地帶」，在此區域中，供油量會刻意減少，用意是減少廢氣來通過廢氣測試。如果只是聲音而沒有其他動力問題，可以不用理會。如果有閒錢，換上其他消音器看看情況如何
02/July/01	你好呀小弟現時已買了一部suzuki r400的跑車，想要它的規格表希望你們能給我! 你是買了94年的GSX-R400R嗎？剛好馬力由59ps減至53ps/12,500rpm，扭力3.7kg-m/10,000rpm.其他沒有改動和93年款一樣如下：398cc水冷四衝直四DOHC 16V引擎，缸徑衝程是56mm x 40.5mm，壓縮比12.0:1,30mm化油器 x 4，六前速鏈傳動，25度前傾角，94mm拖曳距，前後胎120/60-17, 160/60-17,前剎車310mm雙碟配41mm倒fork，尾210mm單碟配單筒避震,長闊高1995mm x 685mm x 1060mm，軸距1375mm，最低離地距120mm，座高760mm，乾重165kg , 16L油缸 . 另有問題: 1.啡呤有少少列可以點解決? 啡呤少爆可以用補啡呤的專門修補劑，或交俾噴油專門店處理。 2.我買後發覺條死氣候穿左兩個漏氣的孔，聽朋友說如果燒焊的話是上不到油漆是真的嗎?如果要焊大約多少錢? 死汽喉穿窿？係旁邊度？如果係消音器正底部，可能係用來放走積水的小孔。但如果係接口漏氣，試下係五金舖買一支「鋼塑土」貼上去看看效果如何？ 3.打臘的程序是如何? 打臘最緊要洗乾淨架車後，抹乾車身，完全冇水份水氣。舊車可先用軟身的乾布加粗臘打圈起漬，再用臘水抹均車身，待變臘水乾後變白色粉狀，便馬上用軟身乾布進行拋光，正常都係用打圈方法拋光，但有D臘水話應該係用「橫直」手勢，自已留意說明書。每次認真打臘，一般都會消耗2 -3條「祝君早安」。 4.94年的suzuki r400 20000元合理嗎?注不是在車行買的。20000已經換了4支火咀、剎車皮(前同後)4L潤滑油、從新設定過車(頭)、新呔一對、洗給。如果沒有大問題的話，94年20K都算抵玩。地獄使者黑暗死神 cholera@hongkong.com o拿，答得咁有心機，唔好勾我魂魄呀~~
01/July/01	本人有意學電單車,但據問只有香港駕駛學院提供電單車課程,請問有冇私人教車師傅教人考取電單車牌, 其收費又如何?需時要多久? 合格率高不高?若能成功考牌, 應先用何款街車或跑車? 多謝賜教. Zoros ronaldzoros@yahoo.com 現時香港所有電單車初學者，都要先報讀由香港駕駛學院獨家舉辦的電單車強制課程。當成功通過強制試後，方可自行報考第二階段的路試。政府的用意是保護初學者，在一個安全及受監控的封閉環境下，學習電單車的基本操作。當學員能把電單車控制自如之後，才可以出街練習如何和其他道路使用者互相遷就配合。香港沒有合法的私人執業電單車教練，所以當完成強制試後，不參加駕院的路試課程，好易學壞手勢。除了不知道考試的要求外，也很難培養出一種安全和文明的駕駛態度。相關費用請參考駕院網頁 www.hksm.com.hk 需時和合格率因我們已脫節太久，不太清楚，可向駕院查詢。若成功考牌，第一款車應以街車較合適。祝早日搞掂！
01/July/01	本人想問HONDA NV400規格,如此車已有十年車齡，買車時應注意什麼事項呢！如果想架車性能好D有什麼零件要更換。祝貴網瀏覽人數蒸蒸日上 Lawrence leeykee@sinaman.com 對不起，手頭上沒有NV400的規格資料。十多年車齡好多地方都需要留意。掣動、引擎、車架、避震、電器...講得出o既都要睇。先唔好考慮改進性能，搞掂D安全措施緊要。睇胎、睇迫力鼓、睇迫力皮、睇迫力油，確保正常後先再進一步更換消耗品，例如偈油、火咀、風格、油格。再來是改善操控，避震打柴就換過對新o既，更換Fork油，check油毯有冇漏油，波子盤都好有機會要更換。當搞掂安全和操控問題後，才搞與性能有關的項目。但NV400呢隻風油冷V2引擎都唔駛點搞，低轉數低壓縮比，重扭力不重馬力。因車齡高，零件損耗一定走唔甩。最好抬部偈出來仆散佢大修就最好，但可能人工重貴過部車。
	觀看以往來信 June May Apr Mar Feb