06 Feb 2006 百老匯車會 愛。婚禮 - 車會組織

  資料提供:百老匯電單車會


結婚可以說是兩個人的事,也可以是兩族人的事。辦婚禮有人喜愛高調,也有人喜愛一切從簡。在2006年的二月六日,百老匯電單車會的核心人物CK和金仔便舉辦了一個盛大的婚禮,高興的人當然不單只新郎新娘兩族人咁簡單,還有他們的摯友們、教友們和最重要的百老匯的電單車友們。否則這個婚禮也不會在鐵騎網誌內出現。在此祝禮一對新人百頭到老,同時也感謝CK提供相片和資料,讓其他年輕的電單車友們,將來籌辦他們的婚禮時有一個很好的參考借鏡。
 






新娘金仔
哈呢路也,感謝主!比我遇見CK, 我等左今日好多年喇! 今日我可以嫁比CK,真係多謝媽媽,因為我未認識主前,極吾聽話,又反判;到我拍拖時候,怕我擇錯人,又怕我吾嫁,如果佢當日放棄管我,我就冇今日。直到我信左主,佢先有机會回下氣咋!o的人成日讚我媽媽身材保持得好,咁多年都冇肥到,其實真係多得我唔少架!亦都多謝媽媽養到我肥肥白白,仲成日煲湯水勺埋比我,雖然我冇飲,但我個心係明白你架! 其次就要多謝CK既另一半 ~~~~~~~ 龍仔,坐響果度,高大蕭洒果個呢。響我同CK 交往既初期,我有時收工比較夜,龍仔都唔介意等埋我至去街食飯;有時佢放 假,我要返工,佢又肯入上水搵我同CK一齊食碗麵;當我地三人行時,亦冇當我係外人;雖然呢的事對佢黎講,可能微不足道,但對我同CK係相處既日子裡,係好大鼓舞,多謝你龍仔! 其實,響兩三年前,我真係冇諗過會有今日,以前我唔信婚姻,又認為結婚好老土,由於種種外來因素同錯誤思想,我都吾要結婚!直至信主後,響聖經學習當中,認職到神造人既時候,就造男造女,人要離開父母,與妻子連合,二人成為一体,原來婚姻~~~~係神為世人所設既,我好感謝主今日賜呢個恩典比我,又教導我要點去看待丈夫,好使丈夫成為妻子既頭。 而我響教會聚會當中,吾再係見到婚姻既無望,我眼見一對對滿有喜樂既夫婦。不少夫婦,響婚姻面臨危机既時侯,返到神面前,認錯悔改,好奇妙,神就要佢地改變過 o黍,比佢地重新見到 對方既優點同付 出,吾再滿心怨恨。以前,我見到o的 結婚卅幾年既夫婦,我覺得好得人驚,但今日,我想講你地知,我願意對住CK卅年之後再加添卅年。 最後我要多謝 CK,佢知我有好多缺點同不足,但從來吾會要我改呢樣、要我改個樣,佢就係 o甘鐘意一個有 o甘多缺點既金仔。亦多謝你對我家人既看顧,由歲半到六 十歲既,你都吾放過令佢地開心。 金仔問:點解你甘愛我既? CK答:吾係我愛你,係上帝愛我,我至有愛同力量去愛你咋! 感謝主!賜我一位願意與我一同事奉親近主既CK 。上帝雖然無應允過天色常藍,花香常漫,但我有信心,有主同在,我同CK響人生既順境、逆境,都同樣有喜樂。 今日,各位到來祝福我地既同時,我倆都願將上帝既愛送比你地!希望你地著起我地婚禮紀念品既時侯,都去感受下主既愛!

哈呢路也,感謝讚美主!


新郎CK
終於禮成了 經過好幾個月的籌備,終於可以同CK步入教堂,真係衷心多謝各位車友一同來到,分享我?的喜樂,原來一個婚禮就算如點樣細心週詳的安排,都係好難達至完美,興幸到來觀禮的都係一班相交多年的好友,所以少少的不足亦都變成樂趣,亦多謝各位的體諒,而每一位來賨都唔係一個數字,而係一顆真誠的心,因當日所見有一半以上之車友已多年無見,比我知道真挈的友情係唔會比時間沖淡。 大婚當日,為了令CK容易過關迎娶我,我已選定一班溫馴非常?姊妹去擋駕,果然不出廿分鐘,班姊妹就比厚厚?開門利是攻陷,而其中一個環節十分精彩,係要CK及兄弟們,晌村口截停一部專?小巴,並要CK大聲同車內?人講,『我好鐘意金仔,我今日要同佢結婚喇!』重要向村民討一封利是回來。過程十分搞笑, 而當CK一馬當先奪門而入,?車友及兄弟亦把榮昌重重包圍,嚇得我花容失色,退回房中,最後要在大哥陪同下才敢下樓。 再值得一提?係:Goldwing押送新郎服務真一流,妄想逃走唔會有!跟住我就跳上經過悉心佈置的長江750,再由黃傳導為我?祝福才起行,?車友亦駕車尾隨同遊,當中聞風而至的生果日報記見到如此壯觀亦嚇了 一跳! 最緊張神聖?時刻就係?教堂,過程中最開心係來賨和我們合唱"愛"呢首歌,禮成後亦有感恩見證,我倆在此都希望再同大家一齊回味一次。 見金仔感恩見證篇

最後衷心多謝所有車友到來,特別係出車出力?呀浩,火龍果,Easy,少明&Shirley妹,Johnson,Sonny,大Tony,細Tony,呀志,Tiger,還有默默地幫我佈置花車?Eric,豬公,豬女,咬咬,肥釗,連剛做完手術?燒花生都幫手___

I Love U all