25 Oct 2004 電單車 公共泊車位 分佈表 - 常用資料
　
　 在十月二十四日，老鬼信箱收到一位車友來信 ：

您好,本人想問問...有無全港有電單車位泊o既收費停車場 1)收費 2)地址 3)數量?尤其想知道旺角附近有冇一d有電單車位o既停車場??謝~~
　 在十月二十四日，老鬼信箱再收到一位署名為細哨的車友來信：
　
泊位地點
 各位鐵騎網的大佬大大,我想很多車友同我一樣都會遇到一個難題,就係出車去街時不知那處有泊位,希望各位大佬可以制作一個全港老電的停車場及排骨位的表(我都知難度很高),如能夠的話,相信對各車友一定很有用,希望各大佬大大認真考慮,無言感激!!

細哨

當時老編不假思索便答：
 你可以買本通用地圖的駕駛指南版本，佢地有落齊全港九老電排骨位頂住先。

其後又有一位署名Vieri的車友來信提議：不如我地咁多位車友將自己見到o既排骨位地點，將d資料交俾老編，之後等老編幫幫我地忙啦
唔知得唔得呢,老編大人~?
Vieri
　 於是乎同日收到幾位車友來信，都是環繞著電單車泊位位置，有人提供車位位置，也有人問那裏有車位，一時之間老鬼信箱變左「泊位樂園」咁款：)
沙田UA 戲院後面穿過公園行左手邊.
吾該老編

　		 尖沙咀 吾知咩野街,加拿芬廣場對出,寶立行,天文台道,尖沙咀 MTR B2 出口,娘荼餔對入好啦,我寫住甘多先,老編,吾該你整理下啦.大家寫多D骨位出黎.請大家告訴大家. 我係新蒲崗工業區返工,部車唔想拍街, 想問各位大哥知唔知邊度有月租電單車位?
　		 各大俠:
知吾知道天水圍嘉湖海逸酒店付近邊度可以泊車車呀?吾該晒
　 鐵騎網誌辦網的宗旨，一向以實用性為主導，娛樂性萬萬不能少，但嬉戲出車的活動一向不主動。泊位屬於實用性題材，老編冇可能唔做........所以宵夜時只是係咁以扒兩啖飯，便放低筷子盤算如何整個【泊位匯報室】。

正準備拍板落手做時，剛好有位同事打電話來說看了【老鬼信箱】，問老編點解唔介紹政府運輸署個網頁.......唔係呀化？有咩？......真係有！咁就好o羅，有關香港九龍新界電單車排骨位及可供停放電單車的政府停車場分佈表，已在【常用資料】中建立了快速連結。唔該晒！
　
　 常用資料內重有多項實用資料網站連結，例如快相地點，交通實況，車手獎，上庭時應注意時項，P牌問答，道路使用者手冊等豐富連結，新知舊雨都不容錯過。