23 Dec 2005 MX Club泰國觀戰團 - 趣味花邊

Photo/Text :大B MX Club

 
大家好!我係大B呀!上次講2006新車。今次再同大家分享一下觀戰感受啦。話說每年12月,泰國都舉行一場邀請賽,專誠邀請一些外地車手到當地比賽。在亞洲各國車手當中,以日本和泰國車手的水平數一數二。今次我有機會可以近距離欣賞到亞洲區內最高水準既賽事,當然非去不可啦!














今次應約赴會既日本車手,都是擁有國際A級賽車執照的頂級車手,令今年戰況更加激烈!往年Team SRM派出加賀真一,而今年則派出小島庸平同好幾個日本車手,還有女車手鈴木沙 耶!
















 

我在正式比賽前一日,晨咁早便去到比賽場地巡察,見到全場都係成層樓咁高既孖跳,真係見到都打個突!睇下睇下睇左成粒鐘。跟住PIT站和各車隊的攤檔都陸續開張,我當然不會放過呢個偵察觀摩的好機會,笑口騎騎咁打完招呼便逐一入內參觀。












其中紅牛賽車隊的攤檔和PIT站,設講最齊全,佈局最專業。每隊車隊都最少有5~6名機械師為戰車做準備功夫,真係大開眼界!估唔到泰國既MX運動真係相當專業,在不久將來必成為亞洲強隊之一。
 
















終於到左正式比賽喇!我地MX CLUB八位成員一早就到現場擔定dun仔等睇比賽。












今次組別方面有超級、高級、初級、青少年、兒童組等等,合共120名車手左右,陣容相當鼎盛!每組的比賽過程都相當激烈,不過我既焦點梗係集中係泰國對日本呢場精彩賽事喇!
 
















有幾正?等我講比你聽喇!今場大熱有泰國既TUNBO仔、紅牛HONDA、YAMAHA等等。一開閘,泰國TUNBO仔搶韁彈出一馬當先首先衝入彎道。跟住後面既係四位正在低頭苦幹的日本車手。在沙塵中只見頭車群緊貼在一起,戰況相當緊湊激烈。












到第二圈時候,日本車手小島庸平把握到TUNBO仔一個犯錯機會,猛然從內彎殺上,反超前取得領先位置。TUNBO仔冷不防對手有此一擊,正想咬牙再拼時,點知部戰車在一個彎位時突然死火!各位需知道在高手比拼當中,勝敗往往只差一線。TUNBO仔因為咁樣被阻一阻,便慘被身後一眾日本車手一一趕過......於是乎前三位既日藉車手們,在毫無壓力下勝出比賽,而泰國只能取得第四第五名位置....總括今場比賽啟發我好多爬山車技術,真係大開眼界。
 















 

Shoping好介紹:
各位如果鐘意改車的話,咁就一定要去泰國喇﹗果度d改裝kit料又平又靚,我都掃左唔少返黎!例如死氣喉、避震機、輪圈等等...真係要乜有乜﹗各位如果有時間一定要去泰國睇睇街上改好既kit車喇。最後各位如有興趣了解多d泰國的話,可以<e-mail俾我> 後會有期,多謝觀看!!!