|
17 Oct 2003 名人專訪 香港車手周浩雲 - 趣味花邊 |
||||
 |
||||
|
Photo: 艾迪 Text: 小千 |
||||
|
老編詭計： 腦海中一直盤算著要訪問周浩雲，但大家無論在香港還是在珠海碰頭，都總是各有各忙。適逢小千表示有興趣幫iBike手做o野，咁就o岩o勒！周浩雲同埋小千，兩位都係靚仔靚女，又係未學車就先鬥車，重要係香港駕駛學院電單車強制課程o既學生，將佢地放埋一齊，應該會有D火花走出o黎！   果然不出老編所料，訪問在一片「融洽」的情況下進行。訪問未開始之前，九咪仔重肯教小千駕駛技術添！好o勒o勒，正經D做o野啦！ |
||||
 |
||||
|
小千訪問周浩雲 大家都知道在賽車場上的賽車手並不一定需要擁有駕駛執照，而「無牌去鬥車」亦不是甚麼新鮮的事；不過，近來車壇上卻興起一股另類「學完走，先學行」式的學車的熱潮。一向在賽車場上飛馳的無牌賽車手們紛紛走回頭路，投向駕駛學院的懷抱；先有我—小千，後有比小千專業萬倍的本港著名年輕電單車賽車手—周浩雲。究竟，是甚麼原因促使他去學車？而對於這個巳有差不多十年比賽經驗的全職賽車手來說，學車又會否真的「回頭太難」呢？今日，小千有幸邀得九咪仔（周的匿稱）友情客串，交換學車心得之餘，亦親身剖白年輕電單車賽車手的內心世界。 |
||||
 |
||||
|
車手背景 周浩雲，啅號九咪仔。自幼受到賽車手父親（九咪車隊）的影響，在欣賞父親落場比賽的同時，自己亦愛上了賽車活動，於十一歲的幼齡便開始其賽車生涯。今年年僅廿一歲的九咪仔已有差不多十年比賽經驗，先在2001年亞洲賽珠海站獲得第五名；及後在2002年澳門格蘭披治大賽GP125級別獲得第三名，以及珠海賽GP125級別的全年總冠軍；而今年在珠海賽分站600cc級別亦獲得亞軍，更獲得全國賽第一站的第五名；早年更曾加入宗申車隊，參加在歐洲所舉行的世界耐力錦標賽。 現時主要效力於萬里達車隊，負責中國珠海摩托車錦標賽中最高水準的600SS賽事，為個人及贊助商爭光。 |
||||
 |
||||
|
如此有實力的賽車手為何又會有考牌的念頭呢？ 九咪仔就話考番個電單車牌傍下身點都方便d，尤其係熱愛電單車既佢，睇見有新車到港「有得睇，無得試！」真係好慘•••考左牌，就可以幫大家試下新車喇!何況自己巳經有一定技術，唔好o徙，考返個牌，去邊都方便d~仲話第時考左牌之後肯定一落街就跳上架電單車度咁話！ |
||||
 |
||||
| 小千從未鬥過棍波電單車，對於駕院安排既棍波電單車課程，小千就覺得又好玩又刺激喇~咁大家又估下已有差不多十年棍波電單車比賽經驗既九咪仔，對於駕院安排既棍波電單車課程又有乜感想呢？ | ||||
|
九咪仔就直言課程對佢黎講真係悶左少少，駕駛學院o既導師落場鬥車的話更加唔會係佢對手。 不過駕院亦體貼地因應佢特別既背景而安排最少既堂數比佢。九咪仔對於操作棍波電單車可謂駕輕就熟。不過，就小千既實地觀察，九咪仔都非常虛心受教，完全無「界」同學仔之餘，仲做足所有「擰頭望」等指定動作添！咁九咪仔一定考到牌啦？！佢話有信心!! |
 |
|||
|
為o左隱藏實力，九咪仔著到一舊「腫」咁學車.... |
||||
 |
||||
|
九咪仔的內心世界 咁作為一個全職既賽車手，最辛苦又會係邊段時刻呢?就係比賽之前要好似做太空人咁控制體重依個環節喇！「每餐都食唔飽，得少少飯，少少「食送」……仲要做野！」真係大犧牲！不過，能夠做到自己喜歡做既事，又有邊個會介意丫? |
||||
 |
||||
|
||||
| 正當小千奇怪點解全職鬥車既九咪仔圈內朋友會無乜幾個既時候，佢亦親自解畫：「因為鬥車就鬥車，唔會周圍走去撩人傾偈架，何況我出場之前需要好專心、好冷靜咁整理自己既思緒，更加唔會比人走過黎騷擾我添啦!」咁又係，邊似得小千鬥緊車都擺個V字手勢黎比人影相喎!^^ | ||||
 |
||||
|
理想篇 九咪仔o係11歲既幼齡巳經替自己選擇左要成為一個全職賽車手這條路，依家都叫做有點成績，咁對未來佢又有乜期望呢？九咪仔就話將會向東南亞邁進，再參加世界賽，一步一步咁挑戰自己，最後就要開番一間屬於自己既賽車訓練學校，培育下一代，延續賽車運動。據小千所知九咪仔仲未有女朋友架，咁有理想又咁進取既年輕賽車手，各位九咪仔Fans，加油喇!! |
||||
|
小千在此謹祝福九咪仔能夠達成願望，早日成為世界級車手，為香港車壇爭光啦!
小千訪問後記： |
 |
|||
