07 Mar 2002 Kawasaki Heavy Industries LTD.實力無邊  -  趣味花邊

　
唔係下話？乜咁大口氣話做電單車係「輕巧」o野呀？最近收到川崎總代理泰力摩托車中心的一份有關川崎重工集團的企業資料，業務範圍橫跨海、陸、空！甚至衝出地球殺入太空！看完不禁對川崎重工另眼相看。對於川崎重工來說，做電單車，真係輕巧o野o黎o架咋！

海：
1896年以船塢起家的川崎，建造運油輪、各式越洋貨輪、甚至潛艇可謂手到拿來。

　

陸：
子彈火車，各式火車電車地鐵，總之有條軋既集體運輸工具都俾川崎重工一網打盡！
　

空：
噴射機，戰鬥機，直升機，珍寶機，飛機引擎，樣樣皆能！
　

宇宙：
火箭升空發射臺，火箭保護罩，人造衛星重要零件，無人駕駛自動降落實驗飛機...
　

建築：
重型環境改做工程，正牌開山劈石，起樓，掘隧道，建造大橋...頂~~有冇咁勁呀！

呢個係乜？掘隧道用既鑽頭！
見唔見到有個人企係下面呀？

川崎重工出名鋼水靚，
起鋼索橋食菜咁食啦！
　

能源開採及供應：
川崎重工業務包括各種形式的能源開採和供應，例如發電、天然氣以及太陽能/風力能源技術.....
以上介紹了川崎重工約60%的業務，不能盡錄的是其他高科技又資本密集的行業，差不多樣樣都有涉足！想不到的行業例如醫院的病人生命警報系統，川崎重工都有做！

嘩，睇埋佢R & D的內容重激！又「新物料開發及應用研究」，又「環境與能源研究」，又「液體摩擦熱能研究」，又「物理與光學、幅射、激光技術」，又「生產線技術應用及創新研究」...重有航天科技，機械人.....成個地球佢玩晒。有邊間電單車廠有佢咁勁？

我地唔好懷疑Kawasaki的做車技術 - 飛機火箭潛艇都做到，修橋補路當閒事，你話做電單車難，定係做人造衛星難呢？電單車？輕巧o野呢o者！