10 Mar 2004 綿羊送衫王 - 趣味花邊

Text/Photo: Vienna
綿羊變身鬧市送衫王!!

小千某日同朋友仔係旺角行街街時，見到有部外形十分古怪o既綿羊仔泊係街上，車尾有個屋形無敵大尾箱。好奇心驅使下走埋去望下，原來係洗衣店自家用o既偉士牌手波綿羊。

究竟洗衣店要個屋形尾箱o黎做咩呢？於是推門拜訪一下洗衣店負責人了解下先。
我向正在忙碌苦幹的工作人員表明身份和說明來意後，友善好客的店長馬上放下手頭工作向小千講解.....

店長：「為左進一步方便客人，我地間洗衣舖係附設免費送貨服務o既。」

咁點解會用電單車呢？店長自問自答：「若要以最方便快捷既方式準時將衣服送到客人手上，唯一能避過旺角依個塞車重災區既「洗禮」，只有用電單行代步。」

店長以充滿自豪的語調繼續講解：「但係搵電單車送貨，都有問題要解決。一般電單車尾箱大極有限，要放大量衣物又不可以整「巢」D衫實在唔容易。於是我地自已落手落腳設計一個「大到盡」既合法Size尾箱！」
「特大既尾箱係屋形設計，除左屋既頂部安裝左大鐵樋方便掛西裝、大褸之外，咁特別既外形仲可以收埋宣傳既效果添!!箱既內部仲黏埋凹凸海棉，防止撞擊，咁就照顧周到啦!!」

懶人救星!!三小時即叫即洗!!
 店長仲拍晒心口咁同小千講，包保由你拎起電話叫人上門收衫果一刻起計，三個鐘之內就有人上門同你收衫、洗衫連送返上樓喎！
等我搵日俾幾對臭襪佢地上門洗下先.....睇下佢地係咪咁堅先?!不過咁樣，小千最buy既都係佢地洗完D衫有青蘋果、薰衣草、朝日花同百花四隻香味任揀，真係全港獨有!!咁我以後就每隻襪都可以有唔同香味啦！」