最近幾個禮拜都成日落雨，落到心情都悶晒。有見及此，Honda電單車總代理燦基電單車行有限公司為左令到一班CB車主開心番，特意舉辦一個CB Party，招待排氣量在399cc以上既CB車主，遊下車河，去越野車場度睇表演，嘆下BBQ午餐，出席車主重送紀念Tee一件添！

由早上10:00在太平道陳列室門口集合，10:30大伙兒出發到粉嶺。途經大角咀一號銀海check point 1、屯門油站入油check point2 、粉嶺北區醫院check point 3、再直入粉嶺越野車場。

始終book場book食品都要錢，為了避免有人失場白白浪費名額，報名者需要顯示誠意付費$100。即使貴為Honda車主咭持有人，亦要在報名時先繳付港幣$100，但只要依時出席的話便可全數取回按金，享受全日免費活動。所以有Honda車主咭的話，整車有著數，去玩都有著數！

Production:  Jerry/ Loretta/ Eddy/ Dave 
部份圖片提供 : 燦基電單車行有限公司