紳士騎士盛裝大巡遊

23 May 2021
攝影:TamTam / Loretta

雖然當日氣溫高達36度,但仍然無阻咁多位紳士騎士盛裝出席今次活動。大家先在九龍灣國際展貿中心集合,然後走龍翔道 >呈祥道> 荃灣路再落海興路 >海安路,再行青山公路。

為安全起現,車隊盡量靠左慢駛,也方便維持隊型。當行到青山公路汀九段,即係機場核心計劃中心,車隊會稍事休息,並順便停一停等齊人再出齊。

 

紳士騎士盛裝大巡遊

36度高溫係咩滋味?重要騎住部識得發熱o既電單車,重要以紳士衣著出席,例如西裝恤衫領呔盛裝,重要以鬍鬚或煙斗等道具打扮,咁樣出車真係少D熱都唔得!

跟住車隊再行海榮路>龍門路 >浩雲街,以上午十時四十五分開車計,約十一時四十五分到達第一站浩和街,進行拍照位儀式。


大隊停留約30分鐘後,在中午十二時三十分再次出發去食飯。路線係由青雲路去杯渡路> 建泰街> 建榮街> 震寰路,目的地係屯門某酒店。

午飯形式係自助餐,由於出師有名加上搞手有辦法,除了可以爭取到免費泊車之外,也只需特價每人$300便可以享用高級自助餐。行到身水身汗,當然要擦餐勁o既補番數喇~~