11 Nov 2007  Winsi & Kristy 上陣不離姐妹花 - iBikeGal

Photos: Kelvin / Eddy

在07年11月4日舉行第二屆中環單單車展，iBike的小攤位站滿了 iBike Gal。當中有兩位 iBike Gal影形不離，樣貌也有點相 似。細問之下，原來她們是一對同齡的17歲堂姊妹。由細到大在同一間學校讀書，一起立志投身美容業，一起當模特兒，更一起去TVB當臨時演員.....這對感情相當要好的堂姊妹，按螢光幕左攻右方向，順序名字是Winsi和Kristy。

我看電單車
兩人雖然還未夠年齡考車牌，但早對駕駛有濃厚興趣。Winsi喜愛綿羊仔，認為一個女仔戴著頭盔在鬧市中左穿右插好不威風。

尤其幻想當除頭盔時「fing」頭髮的場景，應該會「型到爆」咁話。Kristy則認為電單車始終是人包鐵，還是選擇房車較穩妥。

兩人都有坐電單車的經驗，但只限綿羊仔。Winsi表示「見到跑車款的電單車，覺得好危險。把手又低，座位又高，坐上去腳又唔掂地，一俾油唔知去左邊，都係咪搞我！」

最鬼憎(1)
Winsi：「有一次坐綿羊，我戴的頭盔太大，下巴條帶又太鬆。如何能穩固頭盔呢？我心生一計把口張開，拉長了下巴把頭盔帶頂實。頭盔係穩左，不過吹到成口沙，口都乾埋！好心司機俾個合規格既頭盔俾人啦」

最鬼憎(2)
Kristy：「我唔會亂坐電單車，無啦啦交條命仔俾人咪玩啦。尤其是鐘意開快車果d人，最鬼憎。」

最鬼憎(3)
係旺角行街，最憎俾 d司機撩。佢地成日係你身邊呼空油，開窗吹下口哨，同你講下野，懶型咁....通常我地都會唔理佢，或者俾個作嘔樣俾佢地睇下...哈。我地一定唔會上人車。