|
5 - 6 July 2003 中國珠海摩托車賽第3場 趣味花邊 |
|
 |
|
|
嘩! 今個週末真係好………熱!! 星期六條賽道有成40幾度!! 星期日仲有成50幾度添!!
星期五 |
|
 |
|
|
怪不得今場賽事咁熱啦! 原來上屆澳門600ss組別冠軍Donald Cameron空降ZIC!! 佢所騎嘅戰馬係萬里達車隊嘅03年 R6… 仲刷下ZIC電單車最快圈速…1分40.954秒!!! 認真利害!! 再加上我一班’宿敵’…Simon, Jimbo 同阿Nick,同埋一衆高手…小弟我就梗係唔會錯過呢個學嘢嘅機會啦!! 無錯!! 今場小弟決定報名賽Open CL1 同 600ss!! 但係…我冇600cc車播!! 點算好?? 仲記唔記得小弟有個大佬?? 係親生大佬!! 多謝佢肯借部600俾我鬥600ss組!! Thank you!!! |
|
|
|
Paulwhy 送你wallpaper！ 1024 x 768 pix 按圖放大！ |
|
星期六 朝早八點,啲溫度已經好似成12點咁!! 仲要試咗成6 part車! 一節Open Class 練習圈, 一節600ss練習圈, 2節Open Class 計時賽, 2節600ss計時賽……加埋差不多成240km!! 40幾度嘅高温!! 我真係試車試到有啲想嘔! 簡直就有想休克嘅感覺. 今次真係犯咗第一場嘅錯…就係懶醒!! 仲以為自己係十幾歲,仲好有力… |
|
 |
|
| 喺Open Class第一節計時賽,我以1分45秒排喺第四位…但係世事無咁如意嘅!! 第二節排位賽我因參加了多項賽事,結果做唔到更快嘅圈速排喺第七位起步. 而600ss嘅排位賽,第一節我以1分49秒排喺第三位…由尾數上嚟!! 而我自己就覺得係尾二,因為第尾係女仔! 排喺我後面嘅係阿Nick. 而喺第二節600ss排位賽我以第尾二位…即係第尾! 喺我前面嘅有阿Nick,再前係Jimbo,再前係Simon,再前係安仔… 今日知道要玩咁多場車需要大量體力. 所以我一搞掂明日部車嘅準備功夫就立刻返酒店食一大餐, 跟住買二支大嘅能量飲品,沖完涼就即刻瞓覺!!! 好好地讓身體準備一下明日嘅激戰. | |
 |
|
|
星期日 首先開波嘅係Open Class 嘅賽事. 唔知係唔係因為有勁人在場,甚少係起步失誤嘅我,竟然係第 十九幾個入彎!! 仲要有阿銘喺我前面,我唸今次死硬…好彩我係第二圈過咗佢,慢慢追返上去同Jimbo, Nick 同埋何智鋒fight過!!但係…人生不如意嘅事＋常八九…每世當我追近佢地都會有啲慢車擋咗我去路! 跟住又俾佢地拉翻開!! 仲要有一次,當我地過緊啲慢車嗰陣,何智鋒差啲就炒,啲慢車又即刻Brake,而我就喺彎心(Apex即部車瞓到最低點時)焗住Brake,差啲就Low side!!...有咁多挫折,過咗負傷嘅Jimbo,過唔到Nick同何智鋒都算有交代啦!! 就係咁,我以CL1第三名,全組第六名完成Round 1賽事. |
|
 |
|
| 隔咗30分鐘,又要鬥600ss. 本來好期待呢場賽事,因為Jimbo, Nick 同Simon 都喺齊呢道. 但係…有人臨時宿沙,Jimbo就話因傷大晒,但係阿Nick就講唔通啦!!! 600ss就因為咁而得返10部車… 一起步,我走在Joey, Simon 同安仔前面,但係安仔好快就過咗我… 第二三圈,Simon過咗我頭. 開頭我唸住無得追啦! 點知Simon喺第七圈T4,Simon Brake唔切,俾我過返. 跟住我就Keep住呢個第八位(即係尾三)完成呢場賽事! 雖然跑尾三,但係我都好開心,因為我終於可以用同級的戰車同我其中一個宿敵一較高下. 第二,就係我做出了1分46秒的圈速. 想一想,1分46都只能排尾二,做包尾大班! 自覺有一點驕傲. 因為我竟然係呢組人裹面其中嘅一人! | |
 |
|
|
休息一小時後,又嚟Open Class 比賽. 唔知Donald Cameron係咪見到海市蜃樓,紅燈未熄佢就一條友飛走咗!! 跟住因為有啲小碰撞,賽事要重新開始. 嘩!! 我已經冇乜力啦!! 仲要俾班賽道管理員Hold住喺條跑道 係度硬食暴曬!! |
|
|
|
Paulwhy 送你wallpaper！ 1024 x 768 pix 按圖放大！ |
| 跟住比賽又開始! 今次,何智鋒於T1因太快而炒車,仲要喺正我面前!! Brake一Brake就俾阿Jimbo過咗, CL1 第四. Jimbo始終因傷而未能保持優勢. 可惜我亦因體力不足而未能上前與Nick決一死戰. 平平淡淡咁就以CL1 第三名,全場第五名完成呢場賽事. | |
|
|
|
 |
30分鐘後又係600ss賽啦!! 今場我排第八起步,隔離有安仔,昌仔同賓仔. Joey就冇出呢場賽. 紅燈一熄,我就第五位入彎!! 不過唔駛我講,就知道我即刻俾人過咗啦!! 賓仔喺T2已經過咗我! 安仔就喺T4 Outbrake咗我. 而昌仔同Simon緊隨我後面. 在第二個圈,昌仔Outbrake咗我. 跟住Simon喺第三圈亦過了我頭. 跟住…我隻右脚就抽筋抽到完場. 未能與一衆高手交量一下…所以…係…無錯!! 我係包尾大班,真真正正嘅包尾!! 但係我已經出晒我啲奶力……無計啦!!
好開心兩場CL1賽事我都能夠做返1分44秒嘅圈速,都算有交代啦!!
唔………… 今場衰乜? 1) 衰自己不自量力. 無體力,又要玩 2) 衰純情. 俾鬼呃,原來佢哋玩消耗戰!(Joking!) 3) 衰晒. 600ss組別攞晒獎! 由尾數上嚟第一同第三!!!
下場俾埋錢我都唔會鬥足四場!!! |
|
|
|
