6-7 Sept 2003 中國珠海摩托車賽第4場 趣味花邊

排毒....幫我唔到...
仲記得第二round賽事水靜河飛，而round 1及round 3賽事就熱鬧非常，所以我估計，係剩下兩場賽事round5將會熱鬧，round6就將會水靜河飛。咁今場呢？當然水靜河飛啦！D人知道落雨，通常都會喜歡安在家中休息下。

但係傳說中有一隻傻鬼係呢個唔係咁多人鐘意既環境下，努力練習。結果？係九月五星期五，一名傻鬼Jimbo於ZIC場上離奇失踪！點解？今年多災多難o既Jimbo又一次為佢人生添上多一道傷痕。佢於星期五練習時炒左，部車飛左出場，個人就唔知去左邊？工作人員找尋呢個傻鬼一會後方發現原來佢成個人就係防衝牆o既車胎底下。認真恐佈！好彩個人冇乜事！仲係星期日參賽添！雖然表現未能極正，但小弟真係非常佩服！希望Jimbo好運D，唔好再有意外啦！<<有關Jimbo意外，請參閱Jimbo的車手報告>>


其實我自從上一次賽事之後，都一直忙於工作，未能抽空練習及調校戰車。今次星期六早上才到達ZIC，就立刻報名及開車手訓話會。跟住就即刻開始熱身練習。一如大家所料，我每次賽車梗會有d野「瀨」！今次就係架車o既避震！o架車唔係好肯落灣再加上頭Fork bottom左，我返到PIT就梗係唔多開心啦！

唔，今場我少有地冇去收風，但係都知道今場又有一個「天外來客」。佢係來自澳洲o既Robert。而我今場主要o既對手呢？咪又係果幾個！有BGo既黃世釗，TT o既Nick，銘興o既阿銘，仲有最近功力突飛猛進o既SamSung。

第二節試車完左之後，我唸左好耐點先可以令部車o既避震協調。忽然靈光一閃！去廁所放低幾斤，咪可以減輕避震o既負擔law！第一次計時賽即將開始，個天突然下起雨來！嘩~~正！！

對於極喜歡雨中作愛...Oh...係雨中作賽o既我來講，落雨唔單止令我更有把握，更可以減輕避震o既負擔！真係天助我也！之但係....工作人員並未及時幫我o既戰車換胎，搞到我要用光頭胎去跑濕地！所以咪跑左個2分22秒o既圈速排第尾law！又係咁！！唉.....(樹葉都俾佢「鞋」到落晒地)

今次個天對我都算唔錯！第二節計時練習都係濕地，而且我部車又換左水胎，正！今節計時賽我獨自一人走，都唔知做乜時間...排位表終於出來，我以1分52秒排在第二位起步！排第一位係黃世釗，佢快我0.18秒！而排第三位係光頭Nick，以2.4秒之差落後於我。第四位係蘇社雄，跟住仲有何智鋒，Robert等。但係我最擔心既係明日o既天氣。若果唔係濕地o既話就.....

星期日早上我一到達ZIC就準備熱下身，出場走左紙個圈就返入PIT，事關我想留番d胎來賽正賽。但係個天己經停晒雨，((((太陽出來了))))！非常好~~很擔心條跑道會乾....好彩，條跑道係正賽時都仲係濕，但係就有少少乾。好啦終於開賽啦，紅燈…熄燈！我立刻起步，同黃世釗爭入頭彎！

Yes！我以第一位入左T1，但係各位讀者都知道我每次都會被人立刻扒番頭啦。今次都....好戲劇性地冇俾人過返，以第一名姿態完成第一個圈。但係「中國怪物」當然唔會咁輕易放過我啦！跟住果四五個圈，黃世釗一直在我後面慢慢逼近。第六個圈我開始lap車，就係呢個時候，我利用左後車阻住黃世釗的逼近，跟住我開始拉開了我地o既距離。可能阿釗見我唔係佢果組，再加上後無追兵，所以就冇追上來。就係咁，我第一次，第一次係ZIC拿冠軍！仲要係CL1和CL2冠軍！Yes !!

第二場賽事，個地已經乾晒！而我此時亦已經知道....原來去廁所並幫唔到我去減輕避震既負擔！雖然呢場賽事我係排頭車，但係部車又唔多掂...一起步我第二個入彎，但係由於避震唔掂，所以俾Robert，鋒，釗同雞屎過晒。重brake唔得，唯有jar順D啦！阿鋒就同Robert碰撞時炒左，之後我只可以慢慢過返雞屎，以全場第四衝線「完事」。CL1就第二。可以話係好好彩，因為Jimbo同阿銘都好接近我。Well.....水怪戰死乾地，哈哈哈！
賽後檢討：

可以退休啦......但係....
仲未係時候！！ 下場來o黎過！

   


Paulwhy 送你wallpaper！
1024 x 768 pix
按圖放大！


返回主頁