BMW R 1250 GS EXCLUSIVE

一車多用,全能方案
 
31 Oct 2019 查詢:BMW Concessionaires (HK) Limited 
 
寶馬新車有得供!呢款屬於R 1250 GS中第二貴的Exclusive版,月供都只係HK$4,504。


講舒適,R1250GS的避震一定舒服過RS和RnineT。除左係因為有Dynamic ESA避震之外,Telelever頭避震和Parlalever尾避震系統配合軸傳動和長尾搖臂,煞車時四平八穩不會有縮叉感覺。過彎時路穩定性和操控性都和街跑沒有分別。


今代Dynamic ESA避震可以改變避震長度,坐上車後會自動頂高,補償番沉降幅度。我們隨便亂調,也沒有對避震有任何不滿之處。貴車,其中一點值租的地方便是靚避震。R 1250 GS避震的平順程度,試完真係冇得番轉頭。

 


廠方為準車主提供四款預設選擇,用色和配件都略有不同。留意只有HP版的座位是一件過,乘客位置特別平坦,其餘版本的乘客座墊會較舒適。但係最唔舒適果個選擇,偏偏係最貴果款。


揀完四款選擇後,重要揀唔同package,真係眼都花。好在TFT彩mon同埋電子防護系統都係標配,其他細節真係慢慢考慮,但係Dynamic ESA一定唔好慳。留意邊箱唔包,要另外買。



因為要避死氣喉,所以左右兩雙箱都唔同編號


BMW ShiftCam令到機器重了,橫置汽缸的左右闊度增加了,對操控有沒有影響呢?老實說我們分辨不出。只重5kg的分別,應該微不足道吧?反而是機器殼厚了,泊車或攝車時可能要留心一點。


唔知點解,BMW直四機器的極力子相當重,但Boxer機器的極力子便相當輕。R1250GS操作極力子所需的力度有如250般輕巧。不過磨擦點放得相當高,起初慢車轉彎時需要一點時間適應。


新水鳥排氣量增加了,但焦點並不是要催谷馬力,而是製造更豐裕的中低轉扭力。新Shiftcam引擎的威力,也不是純為了催谷尾段馬力,而是更多時間可以享用到的油門反應。


以前騎油冷大鳥,對騎士的身形和駕駛技術都有一定要求。幸好每一代大鳥都有改良,變得更文明更容易駕駛。新機器的油門反應細緻順滑,以前的大鳥徹底地被新水鳥打敗了!


下載BMW專用apps,R 1250 GS的6.5吋TFT彩屏可以顯示車身連接智能電話,提供導航資料。


車主更在電話上顯示最後泊車位置等功能。如果接駁藍芽頭盔,便可以聽歌、顯示來電及通話。 

 


DTC、ASC車身穩定系統和斜路起步Hill Start Control都是標準配備。ABS Pro也有車身傾斜角度感應,車價都包埋了。


好多人以為加箱好有型,其實一對邊箱的重量絕對唔輕。掛上車又阻風,上落又kick腳。如果唔係真係有咁多野要載的話,冇箱正D!










  

重溫 2019 R 1250 GS
試騎感受、車身細節及規格表