如果閣下擁有電單車駕駛執照，但因為種種原因而沒有使用電單車的話，係時候考慮重歸電單車的懷抱。輕裝上路，清風撲臉，不用吸入別人呼出的廢氣。不過，選擇車款也有考量。現在電單車外送當道，唔想俾人誤會閣下轉左行，選擇車款時便要揀既容易操控，又有一定性能和身價的車款。

 
Rebel車身油缸窄，好slim，好少美式巡航車會咁細架。雖然Rebel係美巡，但係可用駕駛跑車的風格，去感受一下Rebel 500的實力。1波扭到50km/h先轉波，2波大約行70km/h，3波推上90km/h，4波100km/h，5波輕鬆破百。

2020 Rebel500錶板會有新的波段顯示器，更方便新手知道自己做緊乜。滑式離合器也是新車標配，新人即使強行拖低波，都冇咁易鎖轆。

Honda四佰級直四街車CB400SF，自1992年面世以來，熱賣過，改革過，創新過，又沉寂過。經同不同年代洗禮，但仍有大量早期作品在街上行走。縱使車齡高企，但二手價仍然硬淨，早巳成為一代傳奇。日本在2016年實施了更嚴苛的廢氣排放標準後，引發現行車款的存續危機。車廠在2018年為產品作出改良，以符合日益嚴格的廢排要求。

現款CB400SF由音響工程做起，滅聲器是全新製作，比起以前較短和幼，但排氣囗直徑更粗，令喉聲更甜美。經過小心計算的排氣管，降低氣油燃燒後產生的有害物質，在怠轉時沒有發出太大噪音。但當轉數一提升時，排氣聲便會越趨雄壯。當轉數超過6750rpm之後，四閥門全開令到音調變得更激昂。整體而言，新車的喉聲令人更有感覺。