Honda全新巡航重羊Forza 750的好處，相信大家都清楚。iBike之前兩次介紹都講左好多Forza 750的好處，亦都相信有好多人買左，陸續拿車中。最正係改良了Integra NC750的缺點，即係新車有倒fork雙碟煞，重可以收納頭盔，重有最新電子防護系統同埋TFT彩mon。

另一方面，X-ADV 750的全地形輪胎和長衝程避震，未必最適合都市使用。Forza 750的出現，便正正把這兩個缺口填補。今次我地有機會長時間接觸到新車，可以試下講深入少少，即係講多D佢可以做得更好的地方，俾大家有一個更有用的參考。

1 舒適但不豪華
Forza 750坐姿相當舒適，闊厚的座墊，挺直的座姿，不賣弄跑羊格局，而是踏實地做一臺優質的巡航旗艦。但以Honda GT綿羊一哥的身份，在舒適背後，設備未夠豪華。首先是沒有TPMS胎壓監測功能，也沒有定速巡航功能。沒有發熱手把，風擋不能調較角度或高度。反而Forza 300/350都有電動調較風檔，莫非這是刻意埋下日後升級的伏線？

4 避震一個setting走天涯
Forza 750雖然係Honda GT綿羊一哥，但避震仍然不設調較。雖然已經用到Showa BPF前叉和Pro-Link單筒設計，濾震表現軟中帶硬。即係慢車軟，快車硬，算係幾好。但始終是一個setting走天涯，在某些情況下一定會未夠完美。

老編體重90kg，單騎快車時遇到路面狀況欠佳時，會感到車身回彈時有少許不安的跳動。雙騎情況會較穩定，避震回彈的表現會更佳。相信原廠在調較避震特性時，有考慮到雙騎和雙騎再加三箱載物的情況。所以果係閣下係輕磅人士，空車單騎在爛路上開快車的話便要留意一下。

8 駕駛Forza 750，需要時間學習及適應
其實不限於Forza 750，凡時Honda的DCT波箱車款，未接觸過的車友都需要時間學習如何操作，和適應DCT波箱的特性。雖然在自動模式時，不用人手轉波，駕駛便應像自動波一樣無需理會波段。但DCT波箱有空波掣，每一次熄車和重新著車，波箱都會有空波N檔，需要人手入D波。

如果要人手使用加減波功能的話，左手食指和拇指便要熟悉相關按鈕的位置。尤其係拇指，因為Forza 750的左掣盒密麻麻地佈備各式按鈕，行車時唔係成日都可以望住左手，所以需要練習，才能熟能生巧。對於長年習慣駕駛傳統棍波車的人，為了方便扣極力子，左手都習慣握在近未端位置。但駕駛Forza 750/X-ADV  750，要人手轉波暢順，左手必需貼近把手掣盒部份，先至容易扣入或推動轉波掣，以上都是需要時間修改的習慣。

9 DCT vs CVT
雖然Forza 750的DCT波箱已經是新款設計，經過多年不斷改良。但由於係機械式波箱，所以在行車時，每一次波箱轉波時，駕駛者都會聽到聲音和感受到輕微震動。由加速至減速停車，就似傳統棍波車一樣，逐個波升，逐個波跌，駕駛者都會清楚知道。

和其他雙缸綿羊的CVT波箱比較，DCT波箱係有較多聲音和震動。如果想在巡航中突然加速，CVT只需大幅度扭油便可，但DCT要人手拖低最少一個波才會有精神。自動波汽車的kick-down，在DCT波箱上唔明顯感受到有呢個功能。

相對於CVT，DCT的優點係傳動力量直接。一扭油起步果下便分到，轉數沒有多餘的空轉，有d似電車感覺。而做得幾靚的CVT波箱都會有一點點空轉呆滯。大車表現還好一點，細車的情況更差。

11 Standard / Sport / Rain / User
每一次著車，系統default設定係Standard模式。呢個係最舒服的設定，波箱會盡快升高波，壓低引擎轉數。市區行走，公路巡航，或雙騎出行，選用Standard模式係最適合。因為加速線性，engine brake唔重，乘客會坐得比較舒服。

如果想快，一定係Sport mode。引擎輸出力度明顯轉強。轉數也會hold得耐d，儲多d力先上高一個波。不過嘈音和震盪自然會隨著引擎轉數上升而增加。同時由於engine brake比較重，收油架車會比較chok。跑山跑彎用Sport mode好適合，在市區行車因為要開開停停，所以會比較chok。好彩Forza 750轉接行車模式相當簡易，一收油便可轉換模式，mode掣也很容易找到，所以按需要轉換模式都相當方便。至於Rain mode，真係冇試過。Standard mode己經夠晒柔，除非係冰面行車，否則唔會用Rain mode。

12 User Mode - 組合出你喜愛的P / EB / D / T
好嘞，來到最正的User Mode。Forza 750有四個主要parameters，分別是P/引擎輸出力度，EB/引擎煞車Engine Brake，D/DCT mode轉波所需轉數，和T/Torque Control即係Traction Control。

除左D/DCT mode轉波所需轉數有四段調較之外，其餘所有設定都只有三段調較。不過T/Torque Control係可以設定為0，即係Torque Control都有四段調校。User mode可以修改任意修改以上parameters，確保可以調較到一個適合閣下的設定。老編的做法是先熟習Standard mode和Sport mode的表現，然後再調較出一個在兩者之間的設定。例如嘗試調較在日常用車時，加速表現比Standard mode敏銳，但又可以做到車身冇Sport mode咁chok。

13 整體駕駛表現
Forza 750車身重，煞車時便感受到。頭輪掣動力強，頭叉下沉幅度都幾明顯。頭尾制動一齊用效果會更出色，車身更穩定。不過操作制動的力度都幾大，經常重煞的話，手指都會有d累。

短軸距，高把手，攻彎表現比想像中更好，好過Silverwing 600好多。不過Forza 750的重心偏向在車頭位置，而Tmax的重心會再低一點，劈彎的表現會較佳。而Forza 750則有更強的平衡感和舒適性。

老實講，原裝風擋有點高。老編算係高佬，但即使在100km/h以下，帶開面帽，即使打開風鏡，風都唔會吹入眼。如果戴full face，關上風鏡直情有D焗。如果行高速，full face頭盔關上風鏡，一d風都冇，只聽到共鳴聲音，情況好似係水底聽音樂會咁，隔左一層，唔夠過癮。換短風鏡會係一個唔錯的改裝。