HONDA SL230

HONDA SL230
兩用！好玩！靚仔！

車輛提供：捷記洋行 2397 8866

「單盤車仔，又冇力又唔快，有乜好？」在拍攝當天的赴約途中，我跟攝影師這麼說。攝影師不置可否，顯然他並不同意我的說法。在回程時，攝影哥哥終於開腔說「又話冇o野好，o岩o岩試車時又笑得咁開心？」哈！有時我都覺得呢條友幾乞人僧。

原來SL230著車後，排氣聲浪十分明顯。比起同是單盤車的250綿羊強壯好多。我對SL230的改觀，便是由這一刻開始。採用風冷四衝程OHC單汽缸引擎，缸徑及行程分別是65.5mm及66.2mm。排氣量雖只有223cc及低壓縮比的9.0：1，但著重耐用和低扭。最大馬力為20ps/7,500rpm和扭力2.1kgm/6,000rpm。
	引擎護板

		由於SL230車速不會太高，加上車重也只有105kg，只用上35mm套管前叉己綽綽有餘。叉筒部份當然有飲管保護套防止沙石塵埃損壞油毯。計我話街車整番個都冇蝕低。
	SL230的越野式有齒腳踏kit味十分重，小巧美觀。

騎越野車，梗係用番專用手套啦！好似我用緊呢款FOX SOLO，嘉利都係賣兩舊零，又輕巧又透氣，最o岩夏天用。
	初步試駕SL230後，覺得慢爬味道十分重，因為超級輕巧的車身和細緻敏感的操控感，可以容許我用身體姿勢做出很有效的重心轉移。慢車的穩定感和靈巧度，相信是世界上技術要求度最低的車種之一。輕鬆寫意，不用時刻擔心停車時落唔切腳，跌車時唔會唔夠力扶車，這都是電單車本來就應擁有的優點。