Piaggio X9 500 本地試騎

　
若快看一眼，可能分辨不到X9 500和250有何分別。其實當中的分別都幾大。等我地慢慢睇下有乜唔同。

首先睇下對「車頭燈」，以前250是兩顆圓燈，現在是一對淚眼狀的頭燈，嘩靚好多！

指揮燈罩的顏色也有改變，現在淨看車頭都能認出500啦。
豪華的音響系統，X9都算玩得招積又出色。原廠跟車附送的耳筒，質素唔錯，即使是聽收音機，音質也喜出望外。自動追台，選台預設，音量調較，內置天線....所有調較都係用左手食指和拇指就搞掂。
附送耳筒及收音咪兩套 收音咪可夾在頭盔上 耳筒藏在頭盔耳仔凹位
車身插頭在左側近腳踏位置 正在試驗通話及音響質素 適合大部份頭盔，可自行安裝

駕駛員和乘客可以一起通話和聽歌。嘩，如果溝到件新相識，在行車途中向佢表白愛意，可以避免臉對臉的尷尬，講野都放D！受溝的話繼續開車，唔受溝的話開油掟佢落車，咁你話幾.........冇品呢！ :p
冇插耳筒時只顯示X9字樣 籃光顯示，夜晚開車很酷！ 音量調節在背面用食指調較
九彩的士高式爆跳錶板 近睇錶板好靚

死火掣當然唔少得

原庄有死火燈！中央屏幕有兩個獨立里程計
並能顯示室外溫度和時間，駛唔駛玩到咁盡呀！

 黃色掣係電動大架，人坐上車都可以一按即起，勁大力！
內置吸震綿的暗隔俾你接上
手提電話hand free通話		 比250墊高了的
乘客腳踏更舒適		 粗壯的死氣喉
及雙筒避震
在泊街位時，好多時只係剛好夠位插到部車入去，但人就迫到冇位落車。有o左電動大架後，唔駛落車都可以輕鬆地起大架，泊車又慳位又方便！要應付202kg重的X9-500，更要應付騎士的體重，呢份電動大架認真大力。整個操作過程約三秒搞掂。

我地特登反起部車等大家睇得真D。留意操作電動大架時，死火掣一定要保持在on的位置才有電到。
和X9 250一樣，座下有一個車座保護套，可以反出來包住張凳。但X-9 500的座椅比起250，手功更精緻。Two-Tone皮座並銹上500 4V i.e.為標記，好貪慕虛榮呀：)
45公升儲物量和X9-250一樣，可以容下一頂大頭佛加一頂半截帽。白領文族又可以放下公事包或手提電腦，真係唔錯。

我就會用佢拿衫去洗衣店磅洗o勒。成袋污糟衫可以就咁放入去交俾人洗，跟手去埋超級市場買大量汽水公仔麵。又係隊晒入去就得，家居生活真係方便啊！
前抽屜空間不大，要開啟入油口及座位需打開櫃桶先。
其實X9的駕駛空間造得很細緻很流線，唔係咁多部綿羊都造得咁貼服咁順滑。

頭盔掛在行李勾時係貼住部車既，唔會凌空行車時容易發生碰撞。
<<規格表

試騎感受>>