iBike雙雄出征感受

Ron:連續彎路段有不少手臂彎，駕駛大馬力車輛的油門控制要很細緻，不然會很痛苦。引擎轉數亦很難維持，基本上這場地未盡情發揮大馬力電單車。

Alex:騎1000大車，二波行晒。呢個場六百都嫌大，放400落去最好玩。

Ron:賽道後半段緩衝區比較細，大部份有牆圍住。而且有建築物，對駕駛者有一定心理影響。

手臂彎段更要注意線位及開油位置，因為後半段手臂彎都比較長及深，感覺上係轉極都未轉完，入彎線位不正確可能令到彎心不能開油及偏離正確線道。

Alex:我起初唔知情況，梗係有大騎大啦。最初揀架Suzuki 大R1000，感覺係綁手綁腳。

後來轉左架細車Honda CBR250R，細場配細車，重有一對靚胎，係全日最好玩的時光。如果騎大車，跑大帽山舒服過跑大鵬灣。(Ron點頭大笑。)

Ron:雖然騎600，引擎轉數都唔係太keep到，但都係好過騎1千CC。處理連續彎段，600尚算靈活，應付手臂彎只要油門控制恰當，都可以開油攻彎。

相對一千CC車種，六百係後半段會騎得比較舒服靈活。彎速唔會比一千慢。前半段大直路及高速彎相對400CC以下的車會有較大優勢。所以600CC經調較後應該可以係呢個場有較大既樂趣。

Ron:因為新胎只係裝係1000CC車到，係呢個場真係用唔盡。我只可以講DIABLO SUPERCORSA SP好快到達工作溫度，雖然都無乜點開油.....但新胎的溫度比較容易維持。

在高速彎段開油會有較大信心，因為物料改良及接觸面大左。感覺上車身在低傾角時表現更穩定。在低傾角開油也更實在咬地。

另一方面，雖然胎身闊度大左，但係細彎及手臂彎路段，仍能夠保持跑車應有的靈活度。同時輪胎接觸面大了，相對能夠更快更狠地攻彎。

Alex:在合適的場地上，DIABLO SUPERCORSA SP會有相當好的發揮。公升級重車要換胎，一定要考慮呢對新胎！

樂園中的國際賽車場，是台灣第一座符合FIA Grade 2等級的賽車場。即是指除了F1一級方程式賽車以外，未來所有FIA/FIM各級距的四輪方程式、房車與摩托車等賽事，都將可在這座符合國際標準規格的賽車場內舉行。

負責規劃設計該賽車場的台灣競速運動公司綜合來自英、美、澳及日本等賽車場資深顧問之意見，並遵照FIA最新年度的賽車場地安全規範，配合著大鵬灣國家風景區現地內，原有古建物設施的保留，規劃出全長3.5公里的複合式G2等級國際賽道。