 |
ZR1000
車主報告
大家好，我係阿守，有十幾廿年駕駛電單車的經驗。
本人一向都鐘情於Kawasaki的電單車。呢部ZR1000已經係我第四部Kawasaki電單車喇！
本來用開上一代的ZX-6R都好滿意。但因為返工放工都騎電單車，有時接下女朋友收工，玩得跑車太耐有D厭唸住換過部街車可以坐得舒服D。 |
| 但係我嘆慣跑車D靚料，要揀一部裝備令我滿意的街車有一定難度。等呀等直至呢部ZR1000的出現，我便馬上決定換車。點知買左呢部車後先發覺，ZR1000的表現和特性和我心中預期的街車表現有點不同。 |
 |
首先係它的操控極之靈敏，引擎偏向高轉輸出，一般中低扭的動力表現較柔。
其次係女朋友坐車尾發覺以前部ZX-6R重舒服過佢！有冇搞錯呀？佢話後座位高出一截，而且座位面積唔夠以前部車咁闊落....真係意想不到。
各位別誤會我咁講係唔鐘意呢部車，其實我不知幾咁鐘意。點講呢？ |
| ZR1000極富跑車操控特性
-
輕盈活潑。掣動規格雖然只是四鏣卡鉗，但效果和ZX-6R的六鏣卡鉗相差不遠。始終街車平軑比低軑舒服，更適合每天代步之用。 |
 |
不過因為以前俾人偷過車，所以而家都好小心。每次都係落車套再加四把鎖，搞成十分鐘先可以行人，慘！
由於拿車只係幾日，重溫緊車，未有機會認真感受它的威力。但有一樣o野困擾緊在下。還記得拿車時我去油站入左$170打爆油缸，行左200km之後見油錶話冇乜油，於是又去入油啦。第二次油費係$150，嘩！咁貴o既？究竟正常唔正常呢？(編按：七毫半子一公里唔算貴，話晒都係四個盤，一公升級別) |
